ഗേറ്റില്ലാത്ത റെയില്‍വെ ക്രോസ് കടക്കവെ  തലശേരിയില്‍ ട്രെയിന്‍ തട്ടി ഹൈസ്‌കൂള്‍  വിദ്യാര്‍ഥി മരിച്ചു

തലശേരി: മുഴപ്പിലങ്ങാട് ട്രെയിന്‍ തട്ടി ഹൈസ്‌കൂള്‍ വിദ്യാര്‍ഥി മരിച്ചു. റയീസ്-ഷബാന ദമ്പതികളുടെ മകന്‍ അഹമ്മദ് നിസാമുദ്ദീ(15)നാണ് മരിച്ചത്. ഇന്നലെ രാത്രി ഏഴിനാണ് സംഭവം. 

എടക്കാട് പൊലീസ് സ്റ്റേഷന് സമീപത്തെ ഗേറ്റില്ലാത്ത റെയില്‍വെ ക്രോസ് കടന്ന് വീട്ടിലേക്ക് വരുമ്പോള്‍ ട്രെയിന്‍ തട്ടുകയായിരുന്നു. ഉടന്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. തലശേരി ബി.ഇ.എംപി. ഹൈസ്‌ക്കൂളില്‍ ഒമ്പതാം ക്ലാസ് വിദ്യാര്‍ത്ഥിയായിരുന്നു അഹമ്മദ് നിസാമുദ്ദീന്‍.