ഇലക്ട്രിക് ലൈനില്‍ തട്ടി; തൃശൂരില്‍ ഓടിക്കൊണ്ടിരുന്ന മിനിലോറിക്ക് തീപിടിച്ചു

തൃശൂര്‍: കൊരട്ടി ചെറുവാളൂരില്‍ ഓടിക്കൊണ്ടിരുന്ന വാഹനത്തിന് തീപിടിച്ചു. വൈക്കോല്‍കൂന കയറ്റിപ്പോയ മിനിലോറിക്കാണ് തീപിടിച്ചത്.

ഇടറോഡില്‍നിന്ന് പ്രധാന റോഡിലേക്ക് കയറുന്നതിനിടെ ഇലക്ട്രിക് ലൈനില്‍ തട്ടിയാണ് തീപിടിത്തമുണ്ടായത്. നാട്ടുകാരും ചാലക്കുടിയില്‍നിന്നുള്ള ഫയര്‍ഫോഴ്സുമാണ് തീയണച്ചത്.