ആശങ്കയുടെ ആറാം ദിവസം, കാണാതായ വിഷ്ണുജിത്തിന്റെ ഫോണ്‍ ഇന്നലെ വിളിച്ചപ്പോള്‍ ഓണായെന്ന് സുഹൃത്ത്; സ്ഥലം കേന്ദ്രീകരിച്ച് അന്വേഷണസംഘം പരിശോധന നടത്തും, ദുരൂഹത നീളുന്നു

മലപ്പുറം: പള്ളിപ്പുറത്തുനിന്ന് കാണാതായ വിഷ്ണുജിത്തിന്റെ ഫോണ്‍ ഒരു തവണ സ്വിച്ച് ഓണായി. തമിഴ്നാട്ടിലെ കുനൂരാണ് അവസാന ലൊക്കേഷന്‍. ഇവിടം കേന്ദ്രീകരിച്ച് അന്വേഷണസംഘം പരിശോധന നടത്തും. 

തിങ്കളാഴ്ച രാത്രി എട്ടിന് വിളിച്ചപ്പോള്‍ ഫോണ്‍ ഓണായതായി വിഷ്ണുജിത്തിന്റെ സുഹൃത്ത് ശരത്താണ്  അന്വേഷണ ഉദ്യോഗസ്ഥരെ അറിയിച്ചത്. ആറ് ദിവസം മുമ്പാണ് വിഷ്ണുജിത്തിനെ കാണാതായത്. കഴിഞ്ഞ ഞായറാഴ്ചയാണ് വിവാഹം നടക്കാനിരുന്നത്. വിവാഹ ആവശ്യത്തിന് പണം സംഘടിപ്പിക്കാനായി പാലക്കാട്ടേക്ക് പോയതാണ് വിഷ്ണുജിത്ത്.

ഇവിടെയെത്തി സുഹൃത്തിനോട് ഒരു ലക്ഷം രൂപ വാങ്ങി തിരികെ മടങ്ങുമ്പോഴാണ് കാണാതായത്. പിന്നീട് പല തവണ വീട്ടുകാര്‍ ഫോണില്‍ ബന്ധപ്പെടാന്‍ ശ്രമിച്ചെങ്കിലും സ്വിച്ച് ഓഫായിരുന്നു.