വയറുവേദന മാറാന്‍ തകരയില

തകരയിലയ്ക്ക് നിരവധി ഔഷധഗുണങ്ങളുണ്ട്. ഇത് ചര്‍മ്മരോഗങ്ങള്‍, രക്തദൂഷ്യം, ശ്വാസകോശ സംബന്ധമായ പ്രശ്‌നങ്ങള്‍, വയറുവേദന, മലബന്ധം എന്നിവയ്ക്ക് പരിഹാരമായി ഉപയോഗിക്കുന്നു.

ശ്വാസതടസ്സം, ചുമ എന്നിവയ്ക്ക് തകരയില നീര് തേനില്‍ ചേര്‍ത്ത് കഴിക്കുന്നത് നല്ലതാണ്. തകരയില ഉണക്കിപ്പൊടിച്ച് കഴിക്കുന്നതും തകരയില കഷായം വെച്ച് കുടിക്കുന്നതും മലബന്ധത്തിന് പരിഹാരമാണ്. 

പാമ്പുകടിയേറ്റാല്‍ വിഷം ശമിപ്പിക്കാന്‍ തകരവേര് അരച്ച് പുരട്ടുന്നത് നല്ലതാണ്. തകരയില രക്തത്തെ ശുദ്ധീകരിക്കാന്‍ സഹായിക്കുന്നു. കരളിനെ സംരക്ഷിക്കാന്‍ തകരയിലയ്ക്ക് കഴിയും. തകരയിലയില്‍ നിന്ന് ഉണ്ടാക്കുന്ന ലിവ്-52 എന്ന മരുന്ന് കരള്‍ രോഗങ്ങള്‍ക്ക് ഉപയോഗിക്കുന്നു. 

തകരയില തലവേദന, രക്താതിമര്‍ദ്ദം, ചൊറിച്ചില്‍ എന്നിവയ്ക്കും ഉപയോഗപ്രദമാണ്. തകരയിലക്ക് ചര്‍മ്മത്തിലെ അസുഖങ്ങളെ ശമിപ്പിക്കാന്‍ കഴിയും. പാമാകുഷ്ഠം, പുഴുക്കടി എന്നിവയ്ക്ക് തകരയില അരച്ച് പുരട്ടുന്നത് ഫലപ്രദമാണ്. ദുര്‍ഗന്ധമുള്ള വ്രണങ്ങള്‍ക്ക് തകരയില ആവണക്കെണ്ണയില്‍ അരച്ച് പുരട്ടുന്നത് നല്ലതാണ്.