പ്രമേഹം നിയന്ത്രിക്കാന്‍ പടവലങ്ങ

പടവലങ്ങയില്‍ ധാരാളം ആന്റി ഓക്‌സിഡന്റുകളും, വിറ്റാമിനുകളും അടങ്ങിയിട്ടുണ്ട്. ഇത് ശരീരത്തിന് രോഗപ്രതിരോധശേഷി നല്‍കുന്നു. പടവലങ്ങയിലെ ചില സംയുക്തങ്ങള്‍ രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കുന്നു. ഇത് പ്രമേഹമുള്ളവര്‍ക്ക് വളരെ നല്ലതാണ്.

പടവലങ്ങയില്‍ നാരുകള്‍ ധാരാളമായി അടങ്ങിയിട്ടുണ്ട്. ഇത് ദഹനത്തെ മെച്ചപ്പെടുത്താനും മലബന്ധം പോലുള്ള പ്രശ്‌നങ്ങള്‍ ഒഴിവാക്കാനും സഹായിക്കുന്നു. പടവലങ്ങയില്‍ കലോറി കുറവായതിനാല്‍ ശരീരഭാരം കുറയ്ക്കാന്‍ ആഗ്രഹിക്കുന്നവര്‍ക്ക് ഇത് കഴിക്കാവുന്നതാണ്.

പടവലങ്ങയില്‍ വിറ്റാമിന്‍ സി ധാരാളമായി അടങ്ങിയിട്ടുണ്ട്. ഇത് ചര്‍മ്മത്തെ ആരോഗ്യകരമായി നിലനിര്‍ത്താനും, ചുളിവുകള്‍ അകറ്റാനും സഹായിക്കുന്നു. പടവലങ്ങ നീര് തലയില്‍ പുരട്ടുന്നത് താരന്‍ അകറ്റാനും മുടി കൊഴിച്ചില്‍ കുറയ്ക്കാനും സഹായിക്കുമെന്നും പറയപ്പെടുന്നു.