ശരീരഭാരം നിയന്ത്രിക്കാന്‍ ചേന

ചേനയില്‍ നാരുകള്‍, പ്രോട്ടീന്‍, വിറ്റാമിനുകള്‍ (സി, ബി6, ഡി, എ), ധാതുക്കള്‍ (ഇരുമ്പ്, പൊട്ടാസ്യം, മഗ്‌നീഷ്യം, സിങ്ക്) എന്നിവ അടങ്ങിയിരിക്കുന്നു, ഇത് ദഹനത്തെ മെച്ചപ്പെടുത്താനും ശരീരഭാരം നിയന്ത്രിക്കാനും ഊര്‍ജ്ജം വര്‍ദ്ധിപ്പിക്കാനും സഹായിക്കുന്നു. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കാനും തലച്ചോറിന്റെ പ്രവര്‍ത്തനം മെച്ചപ്പെടുത്താനും സഹായിക്കുന്നു. കൂടാതെ, ചേനയില്‍ കാന്‍സറിനെ പ്രതിരോധിക്കുന്ന ആന്റിഓക്സിഡന്റുകളും ആന്റി-ഇന്‍ഫ്‌ലമേറ്ററി ഘടകങ്ങളും അടങ്ങിയിരിക്കുന്നു. 

ചേനയിലെ നാരുകള്‍ ദഹനത്തെ സുഗമമാക്കുകയും നല്ല ബാക്ടീരിയകളുടെ വളര്‍ച്ചയെ പിന്തുണയ്ക്കുകയും ചെയ്യുന്നു. ഉയര്‍ന്ന പ്രോട്ടീനും നാരും ഉള്ളതുകൊണ്ട് ചേന കൂടുതല്‍ നേരം വയറു നിറഞ്ഞതായി തോന്നിപ്പിക്കുകയും അമിതഭക്ഷണം ഒഴിവാക്കാന്‍ സഹായിക്കുകയും ചെയ്യുന്നു. 

ചേനയുടെ ഗ്ലൈസെമിക് ഇന്‍ഡക്‌സ് (ഏക) കുറവായതിനാല്‍ ഇത് രക്തത്തിലെ പഞ്ചസാരയുടെ അളവ് പെട്ടെന്ന് ഉയര്‍ത്തുന്നില്ല, പ്രമേഹമുള്ളവര്‍ക്ക് നല്ലതാണ്. പൊട്ടാസ്യം, മഗ്‌നീഷ്യം എന്നിവ അടങ്ങിയതുകൊണ്ട് ചേന രക്തസമ്മര്‍ദ്ദം കുറയ്ക്കാനും ഹൃദ്രോഗ സാധ്യതകളെ പ്രതിരോധിക്കാനും സഹായിക്കുന്നു. 

ഒമേഗ-3 ഫാറ്റി ആസിഡുകള്‍, സിങ്ക്, ജിയോസ്ഡെനിന്‍ തുടങ്ങിയ ഘടകങ്ങള്‍ തലച്ചോറിന്റെ പ്രവര്‍ത്തനം, ഓര്‍മ്മശക്തി, ഏകാഗ്രത എന്നിവ വര്‍ദ്ധിപ്പിക്കുന്നു. ചേനയില്‍ അടങ്ങിയ ആന്റിഓക്സിഡന്റുകള്‍ ശരീരത്തിലെ ഫ്രീ റാഡിക്കലുകളെ ചെറുക്കാനും കാന്‍സര്‍ പോലുള്ള രോഗങ്ങളെ പ്രതിരോധിക്കാനും സഹായിക്കും. ഈസ്ട്രജന്‍ ഉത്പാദനം വര്‍ദ്ധിപ്പിക്കാനും ആര്‍ത്തവവിരാമവുമായി ബന്ധപ്പെട്ട അസ്വസ്ഥതകള്‍ കുറയ്ക്കാനും ചേന സഹായിക്കും.