വ്യാജ അശ്ലീല ചിത്രം പ്രചരിപ്പിച്ചു; നടി മാല പാര്‍വതിയുടെ പരാതിയില്‍ യൂട്യൂബ് ചാനലിനെതിരേ കേസ്, അശ്ലീല കമന്റിട്ടവര്‍ക്കെതിരെയും കേസ്

കൊച്ചി: വ്യാജ അശ്ലീല ചിത്രം പ്രചരിപ്പിച്ചെന്നാരോപിച്ച് യൂട്യൂബ് ചാനലിനെതിരേ നടി മാല പാര്‍വതി നല്‍കിയ പരാതിയില്‍ തിരുവനന്തപുരം സിറ്റി സൈബര്‍ പോലീസ് കേസെടുത്ത്  അന്വേഷണം ആരംഭിച്ചു. 

പരാതിയുടെ അടിസ്ഥാനത്തില്‍ ദൃശ്യങ്ങള്‍ നീക്കം ചെയ്യാന്‍  യൂട്യൂബിനെ സമീപിക്കും. വീഡിയോയ്ക്ക് താഴെ അശ്ലീല കമന്റിട്ടവര്‍ക്കെതിരെയും സൈബര്‍ പോലീസ് കേസെടുത്തു. 

സിനിമയില്‍ നിന്നുള്ള ദൃശ്യങ്ങള്‍ എഡിറ്റ് ചെയ്ത് അശ്ലീല ദൃശ്യങ്ങള്‍ ചില യൂട്യൂബര്‍മാര്‍ പ്രചരിപ്പിക്കുന്നു എന്നാണ് പരാതി. ഇത്തരത്തില്‍ പ്രചരിപ്പിച്ച ദൃശ്യങ്ങളുടെ ലിങ്കുകള്‍ പോലീസിന് കൈമാറിയിരുന്നു. ഇതിന്റെ അടിസ്ഥാനത്തില്‍ തിരുവനന്തപുരം സൈബര്‍ പോലീസ് കേസെടുക്കുകയായിരുന്നു.