കാലിലെ നീരും വേദനയും മാറുന്നില്ലേ..?

കാലിലെ നീരും വേദനയും പല കാരണങ്ങള്‍ കൊണ്ടുണ്ടാകാം. ചര്‍മ്മത്തിനുണ്ടാകുന്ന ബാക്ടീരിയല്‍ അണുബാധ കാരണം ചുവപ്പ്, പുകച്ചില്‍, ചൂട്, വീക്കം എന്നിവ ഉണ്ടാകാം.  ഹൈപ്പോതൈറോയ്ഡിസം (തൈറോയ്ഡ് ഗ്രന്ഥിക്ക് ആവശ്യത്തിന് ഹോര്‍മോണ്‍ ഉത്പാദിപ്പിക്കാന്‍ കഴിയാത്ത അവസ്ഥ) പേശികളിലും സന്ധികളിലും വേദനയും നീരുമുണ്ടാക്കാം. 

ഗര്‍ഭകാലത്ത് ശരീരത്തില്‍ ഉണ്ടാകുന്ന മാറ്റങ്ങള്‍ കാലുകളില്‍ വീക്കം ഉണ്ടാക്കാന്‍ സാധ്യതയുണ്ട്. വൃക്കകളുടെ പ്രവര്‍ത്തനം മോശമാകുമ്പോള്‍ കാലുകളില്‍ നീര് വരാം. ഇതിനോടൊപ്പം മൂത്രത്തിന്റെ അളവ് കുറയുക, ക്ഷീണം തുടങ്ങിയ ലക്ഷണങ്ങളും ഉണ്ടാകാം.