എല്ലുകളുടെയും പല്ലുകളുടെയും ആരോഗ്യത്തിന് കരിമ്പ്

കരിമ്പിന് സ്വാഭാവികമായി ഊര്‍ജ്ജം നല്‍കാനും ദഹനം മെച്ചപ്പെടുത്താനും പ്രതിരോധശേഷി വര്‍ദ്ധിപ്പിക്കാനും സഹായിക്കും. ഇതില്‍ ധാരാളം ആന്റിഓക്സിഡന്റുകള്‍, വിറ്റാമിനുകള്‍, ധാതുക്കള്‍ എന്നിവ അടങ്ങിയിട്ടുണ്ട്. 

സ്വാഭാവിക പഞ്ചസാരയായ ഗ്ലൂക്കോസ് അടങ്ങിയിരിക്കുന്നതിനാല്‍ കരിമ്പ് ശരീരത്തിന് പെട്ടെന്ന് ഊര്‍ജ്ജം നല്‍കുന്നു. ഇതിലടങ്ങിയിരിക്കുന്ന നാരുകള്‍ കുടലിന്റെ പ്രവര്‍ത്തനം സുഗമമാക്കാനും മലബന്ധം തടയാനും സഹായിക്കുന്നു. 

കരിമ്പിന്റെ ക്ഷാര സ്വഭാവം ശരീരത്തിലെ പിഎച്ച് നില സന്തുലിതമാക്കാന്‍ സഹായിക്കുന്നു. ആന്റിഓക്സിഡന്റുകള്‍ ഫ്രീ റാഡിക്കലുകളെ ചെറുക്കാനും പ്രതിരോധ സംവിധാനം ശക്തിപ്പെടുത്താനും സഹായിക്കുന്നു. 

ഇലക്ട്രോലൈറ്റുകള്‍ ധാരാളമായി അടങ്ങിയിരിക്കുന്നതിനാല്‍ ശരീരം വറ്റിപ്പോകുന്നത് തടയാന്‍ ഇത് സഹായിക്കുന്നു. കാത്സ്യം, ഇരുമ്പ്, പൊട്ടാസ്യം, മഗ്നീഷ്യം തുടങ്ങിയ ധാതുക്കള്‍ എല്ലുകളുടെയും പല്ലുകളുടെയും ആരോഗ്യത്തിന് നല്ലതാണ്. 

കരളിന്റെ പ്രവര്‍ത്തനത്തെ മെച്ചപ്പെടുത്താന്‍ കരിമ്പ് സഹായിക്കുമെന്നും പറയപ്പെടുന്നു. ശരീരത്തിന്റെ ജലാംശം നിലനിര്‍ത്തുന്നതിലൂടെ ശരീരഭാരം നിയന്ത്രിക്കാന്‍ ഇത് സഹായിക്കും.