നെറ്റിയില്‍ ആഴത്തില്‍ മുറിവ്, കുട്ടികളുമായി ബന്ധപ്പെട്ട്  തര്‍ക്കം; സുഹൃത്തായ യുവാവിന്റെ വീട്ടില്‍ ഗര്‍ഭിണിയായ യുവതിയുടെ ആത്മഹത്യയില്‍ ദുരൂഹതയെന്ന് ബന്ധുക്കള്‍

കൊല്ലം: ഗര്‍ഭിണിയായ യുവതിയെ തൂങ്ങിമരിച്ച നിലയില്‍ കണ്ടെത്തിയ സംഭവത്തില്‍ ദുരൂഹതയാരോപിച്ച് കുടുംബം. ഫാത്തിമയുടെ നെറ്റിയില്‍ ആഴത്തിലുള്ള മുറിവുണ്ടെന്നും മരണത്തില്‍ ദുരൂഹതയുണ്ടെന്നും കുടുംബം പറഞ്ഞു. 

സെപ്റ്റംബര്‍ എട്ടിന് കുമ്മിള്‍ തൃക്കണ്ണാപുരം ഷഹാന മന്‍സിലില്‍ ഫാത്തിമ(22)യാണ് സുഹൃത്തായ യുവാവിന്റെ വീട്ടില്‍ തൂങ്ങിമരിച്ചത്.  വിവാഹിതയും ഒരു കുട്ടിയുടെ മാതാവുമായ ഫാത്തിമ ഭര്‍ത്താവുമായി പിണങ്ങിയ ശേഷം ഇടപ്പണ സ്വദേശിയായ ദീപുവിനൊപ്പമാണ് കഴിഞ്ഞിരുന്നത്. 

ദീപുവിന്റെ ആദ്യവിവാഹത്തിലെ അഞ്ച് വയസുള്ള കുട്ടിയും ഇവര്‍ക്കൊപ്പമുണ്ടായിരുന്നു. കുട്ടികളുമായി ബന്ധപ്പെട്ട് ദീപുവും ഫാത്തിമയും തമ്മില്‍ തര്‍ക്കമുണ്ടായിരുന്നതായി പോലീസിന് വിവരം ലഭിച്ചു. സംഭവത്തില്‍ കടയ്ക്കല്‍ പോലീസ് അന്വേഷണം ആരംഭിച്ചു.