കണ്ണൂരില്‍ നിയന്ത്രണംവിട്ട ലോറി നൂറടി  താഴ്ചയില്‍ വീടിന് മുകളിലേക്ക് മറിഞ്ഞു; ഡ്രൈവര്‍ക്ക് ഗുരുതര പരിക്ക്

കണ്ണൂര്‍: വീരാജ്‌പേട്ട അയ്യപ്പന്‍ അമ്പലത്തിന് സമീപം നിയന്ത്രണംവിട്ട ലോറി നൂറടി താഴ്ചയില്‍ വീടിന് മുകളിലേക്ക് മറിഞ്ഞു.

അപകടത്തില്‍ ഡ്രൈവര്‍ വള്ളിത്തോട് കേളന്‍പീടിക സ്വദേശി പ്രവീണിന് ഗുരുതര പരിക്കേറ്റു. ഇയാളെ കണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം വൈകുന്നേരമായിരുന്നു അപകടം.