മലപ്പുറത്ത് ഓട്ടോ താഴ്ചയിലേക്ക് മറിഞ്ഞ് അപകടം; ചികിത്സയിലിരുന്ന യുവാവ് മരിച്ചു

മലപ്പുറം: ഒതുക്കുങ്ങലില്‍ ഓട്ടോ താഴ്ചയിലേക്ക് മറിഞ്ഞുണ്ടായ അപകടത്തില്‍ പരിക്കേറ്റ് ചികിത്സയിലിരുന്ന യുവാവ് മരിച്ചു. തിരൂരങ്ങാടി സ്വദേശി മുബഷിറാ(33)ണ് മരിച്ചത്.

ചൊവ്വാഴ്ച രാത്രി ഒതുക്കുങ്ങലിലായിരുന്നു അപകടം. നിയന്ത്രണംവിട്ട ഓട്ടോ താഴ്ചയിലേക്ക് മറിയുകയായിരുന്നു. ഗുരുതര പരിക്കേറ്റ മുബഷിറിനെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിക്കുകയായിരുന്നു.