ഏറ്റുമാനൂര്‍ പട്ടിത്താനത്ത് ഗൃഹനാഥന്‍ വീട്ടുമുറ്റത്തെ  കിണറ്റില്‍ മരിച്ച നിലയില്‍

കോട്ടയം: ഏറ്റുമാനൂര്‍ പട്ടിത്താനത്ത് ഗൃഹനാഥനെ വീട്ടുമുറ്റത്തെ കിണറിനുള്ളില്‍ മരിച്ച നിലയില്‍ കണ്ടെത്തി. പട്ടിത്താനം കുന്നത്ത് കിഴക്കേതില്‍ വേണുഗോപാലനെ(70)യാണ് കിണറിനുള്ളില്‍ മരിച്ച നിലയില്‍ കണ്ടെത്തിയത്.

രാവിലെ പല്ല് തേയ്ക്കാനിറങ്ങിയതായിരുന്നു വേണുഗോപാലന്‍. കാണാതിരുന്നതിനെത്തുടര്‍ന്ന് വീട്ടുകാര്‍ അന്വേഷിച്ചപ്പോഴാണ് കിണറ്റില്‍ വീണ നിലയില്‍ കണ്ടെത്തിയത്.

വേണുഗോപാലന്റെ തന്നെ ഉടമസ്ഥതയിലുള്ള വാടകയ്ക്ക് നല്‍കിയ വീടിന്റെ മുറ്റത്തെ കിണറ്റിലാണ് ഇദ്ദേഹത്തെ വീണതായി നിലയില്‍ കണ്ടെത്തിയത്. 

ഫയര്‍ഫോഴ്‌സ് എത്തി ഒരു മണിക്കൂറിന് ശേഷമാണ് ഇദ്ദേഹത്തെ പുറത്തെടുത്തത്. തുടര്‍ന്ന് കോട്ടയം മെഡിക്കല്‍ കോളജ് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. ഏറ്റുമാനൂര്‍ പൊലീസ് സ്ഥലത്തെത്തി മേല്‍ നടപടികള്‍ സ്വീകരിച്ചു. ഭാര്യ: ശോഭ, മകന്‍: പ്രേംശങ്കര്‍.