ഷുഗര്‍ കുറഞ്ഞാല്‍ എങ്ങനെയറിയാം...

ഷുഗര്‍ കുറഞ്ഞാല്‍ ക്ഷീണം, വിയര്‍പ്പ്, തലകറക്കം, ഏകാഗ്രതയില്ലായ്മ, ഉറക്കമില്ലായ്മ തുടങ്ങിയ ലക്ഷണങ്ങള്‍ ഉണ്ടാകാം.

15 ഗ്രാം കാര്‍ബോഹൈഡ്രേറ്റ് അടങ്ങിയ ഭക്ഷണം കഴിക്കുക. ഇതിനായി ഗ്ലൂക്കോസ് ഗുളികകളോ മധുരമോ ഉപയോഗിക്കാം. ഭക്ഷണം കഴിച്ച ശേഷം 15 മിനിറ്റ് കാത്തിരിക്കുക.

ഈ സമയത്തിനു ശേഷം ഗ്ലൂക്കോമീറ്റര്‍ ഉപയോഗിച്ച് ഷുഗര്‍ നില പരിശോധിക്കുക. ഷുഗര്‍ സാധാരണ നിലയിലേക്ക് എത്തിയിട്ടില്ലെങ്കില്‍ വീണ്ടും 15 ഗ്രാം കാര്‍ബോഹൈഡ്രേറ്റ് കഴിക്കുക.  
ഷുഗര്‍ സാധാരണ നിലയില്‍ എത്താന്‍ ചെറിയ ഭക്ഷണം കഴിച്ച ശേഷം 15 മിനിറ്റ് ഇടവേള എടുക്കുന്നത് നല്ലതാണ്. തുടര്‍ച്ചയായി ഭക്ഷണം കഴിക്കുന്നത് ഒഴിവാക്കുക. 

പ്രമേഹം ഇല്ലാത്തവര്‍ക്കും ഷുഗര്‍ നിരന്തരമായി കുറയുകയാണെങ്കില്‍ ഡോക്ടറെ കാണുന്നത് നല്ലതാണ്. കരള്‍, വൃക്ക സംബന്ധമായ പ്രശ്‌നങ്ങളോ മറ്റ് രോഗങ്ങളോ കാരണം ഷുഗര്‍ കുറയാന്‍ സാധ്യതയുണ്ട്. ഡോക്ടര്‍ നിര്‍ദ്ദേശിച്ച പ്രകാരം മരുന്നുകള്‍ കൃത്യമായി കഴിക്കുന്നുണ്ടെന്ന് ഉറപ്പാക്കുക.