ശരീരഭാരം നിയന്ത്രിക്കാന്‍ പേരയ്ക്ക

പേരയ്ക്ക വിറ്റാമിന്‍ സി, ഫൈബര്‍, പൊട്ടാസ്യം, ആന്റിഓക്‌സിഡന്റുകള്‍ എന്നിവയുടെ മികച്ച ഉറവിടമാണ്. ഇത് പ്രതിരോധശേഷി വര്‍ദ്ധിപ്പിക്കാനും ദഹനം മെച്ചപ്പെടുത്താനും ഹൃദയാരോഗ്യം സംരക്ഷിക്കാനും ശരീരഭാരം നിയന്ത്രിക്കാനും സഹായിക്കുന്നു. പ്രമേഹം നിയന്ത്രിക്കാനും ചര്‍മ്മ സൗന്ദര്യം വര്‍ദ്ധിപ്പിക്കാനും പേരയ്ക്ക ഉത്തമമാണ്.  ദഹനപ്രശ്‌നമുള്ളവര്‍ വെറുംവയറ്റില്‍ ഇത് കഴിക്കരുത്. 

വിറ്റാമിന്‍ സിയുടെ വലിയ ഉറവിടമായതിനാല്‍ ഇത് പ്രതിരോധശേഷി വര്‍ദ്ധിപ്പിക്കാനും ജലദോഷം പോലുള്ള അണുബാധകളെ പ്രതിരോധിക്കാനും സഹായിക്കുന്നു. ഉയര്‍ന്ന ഫൈബര്‍ അടങ്ങിയ പേരയ്ക്ക ദഹനപ്രക്രിയ സുഗമമാക്കാനും മലബന്ധം അകറ്റാനും സഹായിക്കുന്നു. 

പൊട്ടാസ്യം, ഫൈബര്‍, ആന്റിഓക്സിഡന്റുകള്‍ എന്നിവ അടങ്ങിയ പേരയ്ക്ക രക്തസമ്മര്‍ദം നിയന്ത്രിക്കാനും കൊളസ്ട്രോള്‍ കുറയ്ക്കാനും സഹായിക്കും. പേരയ്ക്കയിലെ ഫൈബറും ആന്റിഓക്സിഡന്റുകളും രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കും. 

ഫൈബര്‍ കാരണം വിശപ്പ് കുറയ്ക്കാനും മെറ്റബോളിസം വര്‍ദ്ധിപ്പിക്കാനും ഇത് സഹായിക്കുമെന്നതിനാല്‍ ശരീരഭാരം കുറയ്ക്കാന്‍ ആഗ്രഹിക്കുന്നവര്‍ക്ക് ഇത് ഗുണകരമാണ്. വിറ്റാമിന്‍ സിയും ആന്റിഓക്സിഡന്റുകളും അടങ്ങിയതിനാല്‍ ചര്‍മ്മത്തെ മൃദലവും തിളക്കമുള്ളതുമാക്കി നിലനിര്‍ത്തുന്നു. 

ലൈക്കോപീന്‍ പോലുള്ള ശക്തമായ ആന്റിഓക്സിഡന്റുകള്‍ അടങ്ങിയിരിക്കുന്നതിനാല്‍ ചിലതരം ക്യാന്‍സറുകളെ പ്രതിരോധിക്കാന്‍ സഹായിക്കും.