രക്തസമ്മര്‍ദ്ദം നിയന്ത്രിക്കാന്‍ വാഴപ്പിണ്ടി

വാഴപ്പിണ്ടി ദഹനത്തെ മെച്ചപ്പെടുത്താനും മലബന്ധം അകറ്റാനും സഹായിക്കും. ഇത് രക്തത്തിലെ പഞ്ചസാരയുടെ അളവ് നിയന്ത്രിക്കാനും പ്രമേഹത്തെ പ്രതിരോധിക്കാനും സഹായിക്കുന്ന നാരുകള്‍ അടങ്ങിയതാണ്. 

വാഴപ്പിണ്ടിയില്‍ ധാരാളമായി അടങ്ങിയിട്ടുള്ള നാരുകള്‍ ദഹനവ്യവസ്ഥയെ ശക്തിപ്പെടുത്താനും മലബന്ധം, ഗ്യാസ്, അസിഡിറ്റി പ്രശ്‌നങ്ങള്‍ എന്നിവ പരിഹരിക്കാനും സഹായിക്കുന്നു. ഇതിലെ ഫൈബര്‍ രക്തത്തിലെ ഗ്ലൂക്കോസിന്റെ അളവ് നിയന്ത്രിക്കാനും ഇന്‍സുലിന്‍ പ്രവര്‍ത്തനങ്ങള്‍ മെച്ചപ്പെടുത്താനും സഹായിക്കുന്നു, അതിനാല്‍ പ്രമേഹ രോഗികള്‍ക്ക് ഇത് വളരെ നല്ലതാണ്. 

വാഴപ്പിണ്ടി ജ്യൂസ് കുടിക്കുന്നത് വൃക്കകളില്‍ കല്ലുകള്‍ അടിഞ്ഞുകൂടുന്നത് തടയാന്‍ സഹായിക്കും. ശരീരത്തിലെ ആസിഡ് നില നിയന്ത്രിക്കാനും നെഞ്ചെരിച്ചില്‍, വയറുവേദന തുടങ്ങിയ അസിഡിറ്റി സംബന്ധമായ പ്രശ്‌നങ്ങളില്‍ നിന്ന് ആശ്വാസം നല്‍കാനും വാഴപ്പിണ്ടി നല്ലതാണ്. 

വാഴപ്പിണ്ടിയില്‍ വളരെ കുറഞ്ഞ കലോറിയാണ് അടങ്ങിയിരിക്കുന്നത്. ഇതിലെ നാരുകള്‍ ശരീരത്തില്‍ ശേഖരിക്കപ്പെട്ടിട്ടുള്ള കൊഴുപ്പിനെയും പഞ്ചസാരയെയും പുറന്തള്ളാന്‍ സഹായിക്കുന്നതിനാല്‍ ശരീരഭാരം നിയന്ത്രിക്കാന്‍ സഹായിക്കും. 

വാഴപ്പിണ്ടി കഴിക്കുന്നത് ശരീരത്തിലെ ചീത്ത കൊളസ്ട്രോള്‍ കുറയ്ക്കാന്‍ സഹായിക്കുന്നു. പൊട്ടാസ്യം ധാരാളം അടങ്ങിയിട്ടുള്ളതിനാല്‍ വാഴപ്പിണ്ടി രക്തസമ്മര്‍ദ്ദം നിയന്ത്രിക്കാനും ഹൃദയാരോഗ്യം മെച്ചപ്പെടുത്താനും സഹായിക്കുന്നു.