കൊഴുപ്പ് നിയന്ത്രിക്കാന്‍ കറിവേപ്പില

കറിവേപ്പിലയ്ക്ക് ദഹനത്തെ മെച്ചപ്പെടുത്താനും, ശരീരഭാരം കുറയ്ക്കാനും, രോഗപ്രതിരോധശേഷി വര്‍ദ്ധിപ്പിക്കാനും, മുടിയും ചര്‍മ്മവും ആരോഗ്യത്തോടെ സംരക്ഷിക്കാനും, പ്രമേഹം, കൊളസ്‌ട്രോള്‍ തുടങ്ങിയ രോഗങ്ങള്‍ നിയന്ത്രിക്കാനും സഹായിക്കുന്ന ധാരാളം പോഷകങ്ങളും ആന്റിഓക്സിഡന്റുകളും അടങ്ങിയിട്ടുണ്ട്. 

കറിവേപ്പിലയിലെ നാരുകള്‍ ദഹനത്തെ മെച്ചപ്പെടുത്താനും ഗ്യാസ്, വയറു വീര്‍ക്കുക, മലബന്ധം എന്നിവയെ തടയാനും സഹായിക്കുന്നു. കറിവേപ്പില ശരീരത്തിലെ ചീത്ത കൊളസ്‌ട്രോളിന്റെ അളവ് കുറയ്ക്കാനും കൊഴുപ്പ് നിയന്ത്രിക്കാനും സഹായിക്കും. 

ശരീരത്തിലെ കൊഴുപ്പ് കുറയ്ക്കാനും ഉപാപചയം വര്‍ദ്ധിപ്പിക്കാനും കറിവേപ്പില സഹായിക്കുന്നു, ഇത് ശരീരഭാരം നിയന്ത്രിക്കാന്‍ ഉപകരിക്കും. വിറ്റാമിന്‍ ബി, സി, ഇ എന്നിവയുടെ ഉറവിടമായ കറിവേപ്പില ശരീരത്തിന്റെ രോഗപ്രതിരോധ ശേഷി വര്‍ദ്ധിപ്പിക്കുന്നു. 

ബീറ്റാ കരോട്ടിന്‍, ആന്റിഓക്സിഡന്റുകള്‍, വിറ്റാമിന്‍ ഇ എന്നിവ അടങ്ങിയിട്ടുള്ളതിനാല്‍ തലമുടി സംരക്ഷണത്തിനും അകാലനര അകറ്റാനും കറിവേപ്പില സഹായിക്കുന്നു. ചര്‍മ്മത്തെ പോഷിപ്പിക്കാനും ഇത് നല്ലതാണ്.  വിറ്റാമിന്‍ എ ധാരാളമായി അടങ്ങിയിരിക്കുന്നതിനാല്‍ കാഴ്ചശക്തി മെച്ചപ്പെടുത്താനും തിമിരം പോലുള്ള രോഗങ്ങളെ തടയാനും ഇത് സഹായിക്കും. 

ശരീരത്തിലെ വിഷാംശങ്ങളെ പുറം തള്ളാനും കരളിന്റെ പ്രവര്‍ത്തനത്തെ സഹായിക്കാനും ആന്റിഓക്സിഡന്റുകള്‍ അടങ്ങിയ കറിവേപ്പില ഗുണം ചെയ്യും. രക്തത്തിലെ പഞ്ചസാരയുടെ അളവ് ക്രമീകരിക്കാനും പ്രമേഹത്തെ നിയന്ത്രിക്കാനും കറിവേപ്പിലയ്ക്ക് കഴിയും.