ആലപ്പുഴയില്‍ ക്യാന്‍സര്‍ രോഗിയെ ഉള്‍പ്പെടെ  ആറു പേരെ കടിച്ച നായയ്ക്ക് പേവിഷബാധ

ആലപ്പുഴ: ആലപ്പുഴ ചെറുതനയില്‍ ക്യാന്‍സര്‍ രോഗിയെ ഉള്‍പ്പെടെ ആറു പേരെ കടിച്ച നായയ്ക്ക് പേവിഷബാധ സ്ഥിരീകരിച്ചു. 

തിരുവല്ല പക്ഷി നിരീക്ഷണ കേന്ദ്രത്തിലെ ലാബില്‍ നടത്തിയ പരിശോധനയിലാണ് പേവിഷബാധ സ്ഥിരീകരിച്ചത്. തിങ്കളാഴ്ച രാത്രിയും ചൊവ്വാഴ്ച രാവിലെയുമായാണ് ആറ് പേര്‍ക്ക് കടിയേറ്റത്.

പരിക്കേറ്റവര്‍ വണ്ടാനം മെഡിക്കല്‍ കോളേജില്‍ ചികിത്സ തേടി. നിരവധി വളര്‍ത്തുമൃഗങ്ങള്‍ക്കും കടിയേറ്റിരുന്നു. ഗര്‍ഭിണിയായ ആടിന്റെ മൂക്ക് നായ കടിച്ചുപറിച്ചിരുന്നു.