പല്ല് വേദന കുറയ്ക്കാന്‍ ഉപ്പുവെള്ളം

പോടിന് കാരണം ഉണ്ടാകുന്ന പ്രശ്‌നം നിര്‍ണ്ണയിച്ച് ശരിയായ ചികിത്സ നല്‍കുന്നത് ദന്തരോഗവിദഗ്ദ്ധന് മാത്രമേ സാധിക്കൂ. ചികിത്സ വൈകിക്കുന്നത് പല്ലിന് കൂടുതല്‍ കേടുപാടുകള്‍ സംഭവിക്കാനും മറ്റ് ആരോഗ്യപ്രശ്‌നങ്ങള്‍ ഉണ്ടാകാനും ഇടയാക്കും.

ഒരു കപ്പ് ഇളംചൂടുവെള്ളത്തില്‍ ഒരു നുള്ള് ഉപ്പ് ചേര്‍ത്ത് അതില്‍ കവിള്‍കൊള്ളുന്നത് വേദന കുറയ്ക്കാന്‍ സഹായിക്കും. ഫ്‌ലൂറൈഡ് അടങ്ങിയ ടൂത്ത് പേസ്റ്റ് ഉപയോഗിച്ച് ദിവസവും രണ്ടുനേരം പല്ല് തേക്കുന്നത് പല്ലിന് ബലം നല്‍കാനും കേടുപാടുകള്‍ ഒഴിവാക്കാനും സഹായിക്കും.

പഞ്ചസാരയും പുളിയുള്ളതുമായ ഭക്ഷണങ്ങള്‍, പാനീയങ്ങള്‍ എന്നിവ കഴിക്കുന്നത് പരിമിതപ്പെടുത്തുക. ഇത് പല്ലിന്റെ കേടുപാടുകള്‍ വര്‍ദ്ധിപ്പിക്കാന്‍ സാധ്യതയുണ്ട്. ഫ്‌ലോസ് ഉപയോഗിച്ച് പല്ലുകളുടെ ഇടയില്‍ കുടുങ്ങിയിരിക്കുന്ന ഭക്ഷണാവശിഷ്ടങ്ങള്‍ നീക്കം ചെയ്യുക.