കുടലിന്റെ ആരോഗ്യം മെച്ചപ്പെടുത്താന്‍ ചക്കരക്കിഴങ്ങ്

ചക്കരക്കിഴങ്ങില്‍ ഇതിലടങ്ങിയിട്ടുള്ള ഫൈബര്‍ ദഹനസംബന്ധമായ പ്രശ്‌നങ്ങള്‍ ഒഴിവാക്കാനും കുടലിന്റെ ആരോഗ്യം മെച്ചപ്പെടുത്താനും സഹായിക്കുന്നു. വൈറ്റമിന്‍ സിയും മറ്റ് ആന്റിഓക്സിഡന്റുകളും പ്രതിരോധശേഷി വര്‍ദ്ധിപ്പിക്കാനും അസുഖങ്ങള്‍ വരുന്നത് തടയാനും സഹായിക്കുന്നു. 

ബീറ്റാ കരോട്ടിന്‍ ധാരാളമായി അടങ്ങിയിരിക്കുന്നതിനാല്‍ ഇത് കാഴ്ചശക്തി മെച്ചപ്പെടുത്താനും കണ്ണിന് സംഭവിക്കാവുന്ന മാക്യുലാര്‍ ഡീജനറേഷന്‍ പോലുള്ള പ്രശ്‌നങ്ങള്‍ കുറയ്ക്കാനും സഹായിക്കുന്നു. കുറഞ്ഞ ഗ്ലൈസെമിക് സൂചികയും ഉയര്‍ന്ന ഫൈബര്‍ കണ്ടന്റും കാരണം രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ ഇത് സഹായിക്കും, അതിനാല്‍ പ്രമേഹ രോഗികള്‍ക്ക് പോലും മിതമായ അളവില്‍ കഴിക്കാം.

കലോറി കുറവും നാരുകള്‍ കൂടുതലുമുള്ളതിനാല്‍ ശരീരഭാരം കുറയ്ക്കാന്‍ ഇത് സഹായിക്കും. വൈറ്റമിന്‍ എ, സി തുടങ്ങിയവ ചര്‍മ്മത്തിന്റെ ആരോഗ്യത്തിനും സംരക്ഷണത്തിനും ആവശ്യമാണ്.
വൈറ്റമിന്‍ ബി6 അടങ്ങിയിട്ടുള്ളതിനാല്‍ ഇത് ഹൃദയാഘാതം ഉണ്ടാകാനുള്ള സാധ്യത കുറയ്ക്കാന്‍ സഹായിക്കും. ബീറ്റാ കരോട്ടിന്‍, ആന്തോസയാനിനുകള്‍ തുടങ്ങിയ ആന്റിഓക്സിഡന്റുകള്‍ കോശങ്ങളെ കേടുപാടുകളില്‍ നിന്ന് സംരക്ഷിക്കുകയും പ്രായമാകുന്നത് തടയുകയും ചെയ്യും.