തിരുവനന്തപുരം: കാട്ടാന ആക്രമണത്തില് ആദിവാസി യുവാവ് കൊല്ലപ്പെട്ട വിഷയത്തില് പ്രതിഷേധിച്ച പി.വി. അന്വര് എം.എല്.എയെ അറസ്റ്റ് ചെയ്ത് ജയിലില് അടച്ച സര്ക്കാര് നിലപാട് പ്രതിഷേധാര്ഹമാണെന്ന് വെല്ഫെയര് പാര്ട്ടി സംസ്ഥാന പ്രസിഡന്റ് റസാഖ് പാലേരി.
നിരവധി മനുഷ്യജീവനുകളാണ് ചുരുങ്ങിയ കാലത്തിനിടയില് വന്യജീവി ആക്രമണം മൂലം നഷ്ടമായത്. പ്രശ്നം ഇത്രയും ഗുരുതരമായിട്ടും ഉചിതമായ നടപടികള് സ്വീകരിക്കാനോ പരിഹാരം കണ്ടെത്താനോ സര്ക്കാരിന് സാധിക്കുന്നില്ല.
ഇക്കാര്യത്തില് തികച്ചും ഉദാസീനമായ നിലപാടാണ് ഇടതുസര്ക്കാര് പുലര്ത്തുന്നത്. മലയോരപ്രദേശങ്ങളിലും വനത്തിന്റെ പരിസരങ്ങളിലും ജീവിക്കുന്ന പിന്നാക്ക വിഭാഗങ്ങളില്പ്പെടുന്നവരാണ് വന്യജീവി അക്രമണങ്ങള്ക്ക് കൂടുതലും വിധേയമായിക്കൊണ്ടിരിക്കുന്നത്.
കേരളം ഇന്നനുഭവിക്കുന്ന ഗുരുതരമായ ഈ സാമൂഹ്യപ്രശ്നത്തില് പ്രതിഷേധം സംഘടിപ്പിച്ചതിന്റെ പേരിലാണ് ജനപ്രതിനിധിയായ പി.വി. അന്വറിനെ സര്ക്കാര് ജയിലില് അടച്ചിരിക്കുന്നത്. ഇത് അങ്ങേയറ്റം തെറ്റായ നടപടിയാണ്. കഴിഞ്ഞ കാലങ്ങളില് മുഖ്യമന്ത്രിക്കും ആഭ്യന്തര വകുപ്പിനും എതിരെ അന്വര് ഉയര്ത്തിയ വിമര്ശനത്തിനെതിരായ പ്രതികാര നടപടികളുടെ ഭാഗമായേ ഈ അറസ്റ്റിനെ കാണാന് കഴിയൂ.
ഒരു ജനപ്രതിനിധിക്ക് നല്കേണ്ട പരിഗണന പോലും നല്കാതെ രാത്രി വീട് വളഞ്ഞ് അറസ്റ്റ് ചെയ്ത് ഭീതിയുണ്ടാക്കുകയാണ് പോലീസ് ചെയ്തിരിക്കുന്നത്. മുഖ്യമന്ത്രിയുടെ ഓഫിസിന്റെ പ്രത്യേക നിര്ദേശമില്ലാതെ ഒരിക്കലും ഇത് സംഭവിക്കില്ല. എതിര് ശബ്ദമുയര്ത്തുന്നവരെ പോലീസിനെ ഉപയോഗിച്ച് വേട്ടയാടുന്ന ബി.ജെ. പി. മോഡലാണ് പിണറായി വിജയന് കേരളത്തില് നടപ്പിലാക്കുന്നത്.
ഇതിനെതിരെ ശക്തമായ പ്രതിഷേധം ഉയരേണ്ടതുണ്ട്. ഉന്നയിക്കപ്പെടുന്ന പ്രശ്നങ്ങള്ക്ക് പരിഹാരം കാണുന്നതിന് പകരം വിഷയം ഉന്നയിക്കുന്നവരെ തുറുങ്കില് അടക്കുന്ന ഫാഷിസ്റ്റ് രീതി കേരള സര്ക്കാര് തിരുത്താന് തയാറാകണമെന്നും അദ്ദേഹം പറഞ്ഞു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2025/01/06/LALAr7pbMADO1xfsGgwO.jpg)