നാലു വയസുകാരിയെ ലൈംഗികമായി പീഡിപ്പിച്ച 56 വയസുകാരന് 11 വര്‍ഷം കഠിനതടവ്

തൃശൂര്‍: നാലു വയസുകാരിയെ ലൈംഗികമായി പീഡിപ്പിച്ച കേസില്‍ 56 വയസുകാരന് 11 വര്‍ഷം കഠിനതടവും ഒരു ലക്ഷം രൂപ പിഴയും ശിക്ഷ വിധിച്ച് ചാലക്കുടി സ്‌പെഷ്യല്‍ ഫാസ്റ്റ് ട്രാക്ക് കോടതി.

മോതിരക്കണ്ണി പരിയാരം മണ്ണുപ്പുറം ദേശത്ത് കുഴിക്കാടന്‍ വീട്ടില്‍ ശിവനെ(56)യാണ് ശിക്ഷിച്ചത്. ജഡ്ജി പി.എ. സിറാജ്ജുദ്ധീനാണ് ശിക്ഷ വിധിച്ചത്.

പോക്‌സോ ആക്ട് 7, 8 പ്രകാരം 3 വര്‍ഷം കഠിന തടവും 25,000 രൂപ പിഴയും (പിഴ നല്‍കുന്നില്ലെങ്കില്‍ അധികമായി 3 മാസം കഠിന തടവ് അനുഭവിക്കണം), പോക്‌സോ ആക്ട് സെക്ഷന്‍ 9, 10 പ്രകാരം 5 വര്‍ഷം കഠിന തടവും 50,000 രൂപ പിഴയും (പിഴ നല്‍കുന്നില്ലെങ്കില്‍ അധികമായി 5 മാസം കഠിന തടവ് അനുഭവിക്കണം).

ഐപിസി സെക്ഷന്‍ 354 എ പ്രകാരം ശിക്ഷ: 3 വര്‍ഷം കഠിന തടവും 25,000 രൂപ പിഴയും (പിഴ നല്‍കുന്നില്ലെങ്കില്‍ അധികമായി 3 മാസം കഠിന തടവും അനുഭവിക്കണം) എന്നിങ്ങനെയാണ് ശിക്ഷ വിധിച്ചത്. പിഴ ഒടുക്കിയാല്‍ അത് അതിജീവിതയ്ക്ക് നല്‍കാനും വിധിയില്‍ വ്യവസ്ഥ ചെയ്തിട്ടുണ്ട്.