മലപ്പുറത്ത് ലോറിയും സ്‌കൂട്ടറും കൂട്ടിയിടിച്ച് സ്‌കൂട്ടര്‍ യാത്രികനായ യുവാവിന് ദാരുണാന്ത്യം

മലപ്പുറം: പൂക്കോട്ടൂര്‍ പള്ളിപ്പടിയില്‍ ലോറിയും സ്‌കൂട്ടറും കൂട്ടിയിടിച്ച് സ്‌കൂട്ടര്‍ യാത്രക്കാരന്‍ മരിച്ചു. അറവങ്കര ന്യൂ ബസാര്‍ സ്വദേശി കക്കോടി കുഞ്ഞാപ്പുവിന്റെ മകന്‍ നസീഫ് അലിയാണ് മരിച്ചത്. 

ഇന്ന് രാവിലെ 11നാണ് സംഭവം. കോഴിക്കോട് ഭാഗത്തേക്ക് പോകുകയായിരുന്ന സ്‌കൂട്ടറും മലപ്പുറം ഭാഗത്തേക്ക് വരികയായിരുന്ന ലോറിയും തമ്മില്‍ കൂട്ടിയിടിക്കുകയായിരുന്നു. ഗുരുതര പരിക്കേറ്റ നസീഫിനെ മലപ്പുറം എം.ബി. ഹോസ്പിറ്റലില്‍ പ്രവേശിപ്പിച്ചെങ്കിലും  രക്ഷിക്കാനായില്ല. മൃതദേഹം മഞ്ചേരി മെഡിക്കല്‍ കോളേജില്‍.