കഫക്കെട്ട്, വാതം മാറാന്‍ കടലാടി

കടലാടി ദഹനശക്തി മെച്ചപ്പെടുത്താനും മലബന്ധം അകറ്റാനും സഹായിക്കുന്നു. വയറുവേദന, അതിസാരം എന്നിവ ശമിപ്പിക്കാന്‍ ഇതിന്റെ ഇലകളും വിത്തുകളും ഉപയോഗിക്കാം. കഫക്കെട്ട്, വാതം എന്നിവ മൂലമുണ്ടാകുന്ന രോഗങ്ങള്‍ക്ക് കടലാടി ശമനമുണ്ടാക്കും. ഇതിന്റെ ഇലകള്‍ നീരു വറ്റാനും വേദന കുറയ്ക്കാനും സഹായിക്കുന്നു. 

മുറിവുകള്‍ ഉണക്കുന്നതിനും രക്തസ്രാവം തടയുന്നതിനും കടലാടി ഉപയോഗിക്കാം. ഇലകള്‍ അരച്ച് പുരട്ടുന്നത് മുറിവ് ഉണങ്ങാന്‍ സഹായിക്കും. കടലാടിയുടെ വേര് ചതച്ച് പല്ലു തേക്കുന്നത് പല്ലുവേദന കുറയ്ക്കും. ചെവി വേദനക്ക് ഇതിന്റെ നീര് ഉപയോഗിക്കാം. 

ത്വക്ക് രോഗങ്ങള്‍ ശമിപ്പിക്കാന്‍ കടലാടിയുടെ ഇലകളും വേരും ഉപയോഗിക്കാം. ചൊറിച്ചില്‍, അലര്‍ജി എന്നിവക്ക് ഇത് ഫലപ്രദമാണ്. ചുമ, കഫക്കെട്ട് എന്നിവക്ക് കടലാടി ഉപയോഗപ്രദമാണ്. ഇതിന്റെ ഇലകള്‍ കഷായം വെച്ച് കഴിക്കുന്നത് ശ്വാസകോശ സംബന്ധമായ പ്രശ്‌നങ്ങള്‍ക്ക് ആശ്വാസം നല്‍കും.