അമിത വിശപ്പ് നിയന്ത്രിക്കാം

അമിതമായി വിശക്കുന്നുണ്ടെങ്കില്‍ അത് നിയന്ത്രിക്കാന്‍ സഹായിക്കുന്ന ചില കാര്യങ്ങളുണ്ട്. ഭക്ഷണക്രമത്തിലും ജീവിതശൈലിയിലും വരുത്തുന്ന മാറ്റങ്ങള്‍ ഇതിന് സഹായകമാകും.

പലപ്പോഴും ദാഹവും വിശപ്പും തമ്മില്‍ തിരിച്ചറിയാന്‍ കഴിഞ്ഞെന്ന് വരില്ല. അതുകൊണ്ട് ധാരാളം വെള്ളം കുടിക്കുന്നത് വിശപ്പ് കുറയ്ക്കാന്‍ സഹായിക്കും. പ്രോട്ടീനും നാരുകളും കൂടുതലുള്ള ഭക്ഷണം കഴിക്കുന്നത് വിശപ്പ് കുറയ്ക്കാന്‍ സഹായിക്കും. ഇത് ശരീരത്തിന് കൂടുതല്‍ നേരം ഊര്‍ജ്ജം നല്‍കുകയും, വിശപ്പിന്റെ ആവൃത്തി കുറയ്ക്കുകയും ചെയ്യും.

കൃത്യമായ ഇടവേളകളില്‍ ഭക്ഷണം കഴിക്കുന്നത് വിശപ്പ് നിയന്ത്രിക്കാന്‍ സഹായിക്കും. ഭക്ഷണം ഒഴിവാക്കുന്നത് പിന്നീട് അമിതമായി ഭക്ഷണം കഴിക്കാന്‍ പ്രേരിപ്പിക്കും. ആവശ്യത്തിന് ഉറങ്ങുന്നത് വിശപ്പ് നിയന്ത്രിക്കുന്ന ഹോര്‍മോണുകളെ ശരിയായ രീതിയില്‍ പ്രവര്‍ത്തിക്കാന്‍ സഹായിക്കും.