മലപ്പുറത്ത് കൃഷി നശിപ്പിച്ച കാട്ടാനയെ തിരയുന്നതിനിടെ  കാട്ടാന ആക്രമണം; വനപാലകന് പരിക്ക്

മലപ്പുറം: കൃഷി നശിപ്പിച്ച കാട്ടാനയെ തിരയുന്നതിനിടെ കാട്ടാനയുടെ ആക്രമണത്തില്‍ വനപാലകന് പരിക്കേറ്റു. നിലമ്പൂര്‍ റേഞ്ച് കാഞ്ഞിരപ്പുഴ സ്റ്റേഷനിലെ ബീറ്റ് ഫോറസ്റ്റ് ഓഫീസര്‍ ഹരീഷിനാണ് 
ഇടതു കാലിനും ഇടതുകണ്ണിനും പരിക്കേറ്റത്. മുളങ്കാട്ടില്‍ മറഞ്ഞിരുന്ന ആന ഹരീഷിനെ ആക്രമിക്കുകയായിരുന്നു

ശനിയാഴ്ച രാത്രിയും ഞായറാഴ്ച രാത്രിയും കാട്ടാന ഈ മേഖലയില്‍ കൃഷി നശിപ്പിച്ചിരുന്നു. തുടര്‍ന്ന് നാട്ടുകാര്‍ വിവരം വനം വകുപ്പ് ഉദ്യോഗസ്ഥരെ അറിയിച്ചു. തുടര്‍ന്നാണ് വനപാലകര്‍ പ്രദേശത്ത് തെരച്ചില്‍ നടത്തിയത്. കാഞ്ഞിരപ്പുഴ സ്റ്റേഷന്‍ പരിധിയിലെ വെള്ളിമുറ്റം ഏറമ്പാടം വനമേഖലയില്‍ കാട്ടാനയെ തെരയുന്നതിനിടെയായിരുന്നു ആക്രമണം.