ദഹനമില്ലായ്മ, വയറുവേദനയ്ക്ക് കച്ചോലം

ദഹനമില്ലായ്മ, വയറുവേദന, ഛര്‍ദ്ദി എന്നിവയ്ക്ക് കച്ചോലം ഉത്തമമാണ്. ചുമ, ശ്വാസതടസ്സം, കഫക്കെട്ട് എന്നിവയ്ക്ക് കച്ചോലം ഫലപ്രദമാണ്. ചുമയ്ക്കും കഫത്തിനും ഉണക്ക കച്ചോലപ്പൊടി തേനില്‍ ചാലിച്ച് കഴിക്കാം.

കച്ചോലപ്പൊടി തുളസിയിലനീരിലോ നാരങ്ങാ നീരിലോ ചാലിച്ചു നെറ്റിയില്‍ പുരട്ടുന്നത് തലവേദനയും ജലദോഷവും ശമിപ്പിക്കും. പച്ച കച്ചോലക്കിഴങ്ങ് അരച്ചു കഴിക്കുന്നത് രക്തം ശുദ്ധീകരിക്കാന്‍ സഹായിക്കും.

ഇത് ഒരു ഉത്തേജകവും വേദന സംഹാരിയുമാണ്. ശരീരത്തിന് മാര്‍ദ്ദവം നല്‍കാന്‍ കച്ചോലക്കിഴങ്ങ് കഴിക്കുന്നത് നല്ലതാണ്. കച്ചോലം വെറ്റിലയിലും അടക്കയിലും ചേര്‍ത്ത് ചവയ്ക്കുന്നത് പല്ലുവേദന കുറയ്ക്കാന്‍ സഹായിക്കും.