ആസ്ത്മ പോലുള്ള പ്രശ്‌നങ്ങള്‍ക്ക് ശംഖുപുഷ്പം ചായ

ബുദ്ധിപരമായ പ്രവര്‍ത്തനങ്ങള്‍ മെച്ചപ്പെടുത്തുന്നു: ന്യൂറോ ട്രാന്‍സ്മിറ്ററായ അസറ്റൈല്‍ കൊളൈന്റെ അളവ് വര്‍ദ്ധിപ്പിച്ച് ഓര്‍മ്മശക്തിയും തലച്ചോറിന്റെ പ്രവര്‍ത്തനവും മെച്ചപ്പെടുത്തുന്നു. 

മാനസിക സമ്മര്‍ദ്ദം കുറയ്ക്കുന്നു: ഉത്കണ്ഠയും വിഷാദവും കുറയ്ക്കാന്‍ സഹായിക്കുന്ന ആന്റിഓക്‌സിഡന്റുകള്‍ ഇതിലുണ്ട്. 

പ്രമേഹം നിയന്ത്രിക്കുന്നു: ഭക്ഷണത്തില്‍ നിന്നുള്ള ഗ്ലൂക്കോസിന്റെ ആഗിരണം നിയന്ത്രിച്ച് ടൈപ്പ് 2 പ്രമേഹം വരാതെ തടയാന്‍ ഇത് സഹായിക്കും. 

ആരോഗ്യകരമായ ചര്‍മ്മം ലഭിക്കാന്‍: ആന്റിഓക്‌സിഡന്റുകള്‍ ധാരാളം അടങ്ങിയതിനാല്‍ ചര്‍മ്മത്തെ തിളക്കമുള്ളതും ആരോഗ്യകരവുമാക്കുന്നു. കോശങ്ങളുടെ കേടുപാടുകള്‍ തടയുകയും ചെയ്യും. 

മുടിയുടെ ആരോഗ്യം വര്‍ദ്ധിപ്പിക്കുന്നു: മുടിയുടെ ആരോഗ്യത്തിനും വളര്‍ച്ചയ്ക്കും ഇത് ഗുണകരമാണ്. 

വിഷാംശം നീക്കം ചെയ്യുന്നു: ശരീരത്തിലെ വിഷാംശങ്ങളെ പ്രതിരോധിക്കാനും ശരീരത്തിലെ കൊഴുപ്പ് അലിയിച്ചുകളയാനും സഹായിക്കും. 

പ്രതിരോധശേഷി വര്‍ദ്ധിപ്പിക്കുന്നു: ആന്റിഓക്‌സിഡന്റുകള്‍ ധാരാളം ഉള്ളതിനാല്‍ രോഗപ്രതിരോധശേഷി വര്‍ദ്ധിപ്പിക്കാന്‍ സഹായിക്കുന്നു. 

ശ്വാസകോശ സംബന്ധമായ പ്രശ്‌നങ്ങള്‍ക്ക് ആശ്വാസം: ചുമ, ജലദോഷം, ആസ്ത്മ പോലുള്ള പ്രശ്‌നങ്ങള്‍ക്ക് ഇത് നല്ലൊരു പ്രതിവിധിയാണ്, ശ്വാസനാളത്തിലെ കഫം നീക്കം ചെയ്യാനും ഇത് സഹായിക്കും.