/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/sawO0S3ADJOLj9IS9GjC.jpg)
കൊല്ലം: അനധികൃത വില്‍പ്പനയ്ക്ക് സൂക്ഷിച്ചിരുന്ന 118 കുപ്പി ഇന്ത്യന്‍ നിര്‍മിത വിദേശ മദ്യം എക്സൈസ് പിടിച്ചെടുത്തു.
ശക്തികുളങ്ങര സ്വദേശി ശ്രീകുമാ(വാവ)റും ഭാര്യ സരിതയും ചേര്‍ന്നാണ് മദ്യ വില്‍പ്പന നടത്തിയിരുന്നത്. ഭാര്യ സരിതയെ എക്സൈസ് അറസ്റ്റ് ചെയ്തു. എക്സൈസ് സംഘത്തെ കണ്ടപ്പോള്‍ ശ്രീകുമാര്‍ വാഹനം ഉപേക്ഷിച്ച് ഓടി രക്ഷപ്പെട്ടു.
ശ്രീകുമാറിന്റെ വാഹനത്തില്‍ നിന്നും വീടിനുള്ളില്‍ നിന്നാണ് മദ്യ ശേഖരം കണ്ടെടുത്തത്. ആകെ 59 ലിറ്റര്‍ മദ്യമാണ് പിടിച്ചെടുത്തത്. കൊല്ലം ഐ.ബി. പി.ഒ. ശ്രീകുമാര്‍ നല്‍കിയ വിവരത്തെത്തുടര്‍ന്നാണ് റെയ്ഡ് നടത്തിയത്.
കൊല്ലം റേഞ്ച് ഓഫീസിലെ അസി. എക്സൈസ് ഇന്‍സ്‌പെക്ടര്‍ (ഗ്രേഡ്) വിനോദ് ശിവറാമിന്റെ നേതൃത്വത്തില്‍ നടന്ന പരിശോധനയില്‍ ജ്യോതി, ബിനു ലാല്‍, വിഷ്ണു രാജ്, ശ്യാംകുമാര്‍, ജോജോ, രാജി, ഹൈവേ പട്രോള്‍ ഡ്രൈവര്‍ വിശ്വനാഥന്‍ എന്നിവരും പങ്കെടുത്തു.