കൃത്യമായി ഉറങ്ങാന്‍ ചിട്ടയായ ശീലങ്ങള്‍

നന്നായി ഉറങ്ങാന്‍ ദൈനംദിന ജീവിതത്തില്‍ നമ്മള്‍ ധാരാളം കാര്യങ്ങള്‍ പാലിക്കേണ്ടതായുണ്ട്. 

പതിവായ ഉറക്കസമയം: എല്ലാ ദിവസവും ഒരേ സമയം ഉറങ്ങുകയും ഉണരുകയും ചെയ്യുക. ഇത് ശരീരത്തിന്റെ സ്വാഭാവിക ഉറക്കത്തെ ക്രമീകരിക്കും. 

വിശ്രമിക്കാനുള്ള സമയം: ഉറങ്ങുന്നതിന് തൊട്ടുമുന്‍പ്, പുസ്തകം വായിക്കുക, സംഗീതം കേള്‍ക്കുക, അല്ലെങ്കില്‍ ലഘുവായ വ്യായാമങ്ങള്‍ ചെയ്യുക. ഇത് ശരീരത്തെയും മനസ്സിനെയും ശാന്തമാക്കാന്‍ സഹായിക്കും. 

മൊബൈല്‍ ഫോണ്‍ ഉപയോഗം ഒഴിവാക്കുക: ഉറങ്ങുന്നതിന് തൊട്ടുമുന്‍പ് മൊബൈല്‍ ഫോണ്‍ ഉപയോഗിക്കുന്നത് ഒഴിവാക്കുക. സ്‌ക്രീനില്‍ നിന്നുള്ള നീല വെളിച്ചം ഉറക്കത്തെ ദോഷകരമായി ബാധിക്കും. 

സുഖകരമായ ഉറക്കസ്ഥലം: ശാന്തവും ഇരുണ്ടതുമായ ഒരു മുറിയില്‍ സുഖപ്രദമായ ഒരു കിടക്കയില്‍ ഉറങ്ങുക.

ധ്യാനം, ശ്വാസോച്ഛാസ വ്യായാമങ്ങള്‍: ധ്യാനം, ശ്വാസോച്ഛാസ വ്യായാമങ്ങള്‍ എന്നിവ ശരീരത്തിലെ സമ്മര്‍ദ്ദം കുറയ്ക്കുകയും ഉറക്കം മെച്ചപ്പെടുത്തുകയും ചെയ്യും.