ത്വക്ക് രോഗങ്ങളെ ശമിപ്പിക്കാന്‍ തകരയില

തകരയിലയ്ക്ക് ത്വക്ക് രോഗങ്ങളെ ശമിപ്പിക്കാനും രക്തശുദ്ധി വരുത്താനും കഴിയും. ഇത് കൃമിശല്യം, പുഴുക്കടി, ചൊറിച്ചില്‍ തുടങ്ങിയ പ്രശ്‌നങ്ങള്‍ക്കുള്ള പ്രതിവിധിയാണ്. കഫം, വാതം, പിത്തം എന്നിവയെ നിയന്ത്രിക്കാനും ദഹനസംബന്ധമായ പ്രശ്‌നങ്ങളെ പരിഹരിക്കാനും തകരയിലയുടെ നീര് തേന്‍ ചേര്‍ത്ത് കഴിക്കുന്നത് ഫലപ്രദമാണ്. 

പുഴുക്കടി, പാമ്പ് കടി മൂലമുണ്ടാകുന്ന വിഷാംശം, ചൊറിച്ചില്‍ തുടങ്ങിയ പ്രശ്‌നങ്ങള്‍ ശമിപ്പിക്കാന്‍ തകരയില അരച്ച് പുരട്ടുന്നത് നല്ലതാണ്.

ശരീരത്തിലെ രക്തം ശുദ്ധീകരിക്കാന്‍ തകരയില ഉപയോഗിക്കാം. വയറുവേദനയും മലബന്ധവും അകറ്റാന്‍ തകരയില ഉണക്കിപ്പൊടിച്ച് കഴിക്കാം. കൃമിശല്യമുള്ളവര്‍ക്ക് തകരയില ഇടിച്ച് പിഴിഞ്ഞ നീര് കഴിക്കുന്നത് ഗുണം ചെയ്യും. വായ്പുണ്ണ് മാറ്റുന്നതിനും തകരയില ചവച്ച് തുപ്പുന്നത് ഫലപ്രദമാണ്.

ചുമയ്ക്കും ശ്വാസംമുട്ടിനും തകരയിലയുടെ നീര് തേന്‍ ചേര്‍ത്ത് കഴിക്കുന്നത് നല്ലതാണ്. ശരീരത്തിന് തിളക്കം നല്‍കാനും തകരയില ഉപയോഗിക്കാം.