അലര്‍ജി, ആസ്തമ മാറാന്‍ മുക്കുറ്റി

മുക്കുറ്റിക്ക് വിഷം കളയാനും പ്രമേഹം, വയറുവേദന, കഫക്കെട്ട്, ചുമ എന്നിവയ്ക്ക് ശമനം നല്‍കാനും ശരീരത്തിന് പ്രതിരോധ ശേഷി വര്‍ദ്ധിപ്പിക്കാനും ശരീരത്തിലെ മുറിവുകള്‍ ഉണക്കാനും സാധിക്കും. ആയുര്‍വേദത്തില്‍ ദശപുഷ്പങ്ങളില്‍ ഒന്നായി കണക്കാക്കപ്പെടുന്ന ഈ ചെടി അലര്‍ജിക്കും ആസ്തമയ്ക്കും പരിഹാരമാണ്. 

വിഷജീവികളുടെ കടിയേറ്റാല്‍ മുക്കുറ്റി സമൂലം അരച്ച് പുരട്ടുന്നത് ഗുണം ചെയ്യും. പ്രമേഹത്തിന് ഇത് നല്ലൊരു പ്രതിവിധിയാണ്; ഇലകള്‍ വെറുംവയറ്റില്‍ കഴിക്കുന്നതും അരച്ചു കഴിക്കുന്നതും പ്രയോജനകരമാണ്.

വയറുവേദനയ്ക്കും വയറിളക്കത്തിനും ഇത് നല്ലൊരു പ്രതിവിധിയാണ്. മുക്കുറ്റിയുടെ ഇലകള്‍ അരച്ച് മോരില്‍ കലക്കി കുടിക്കുന്നത് വയറിളക്കത്തില്‍ നിന്ന് ആശ്വാസം നല്‍കും. കഫക്കെട്ടിനും ചുമയ്ക്കുമുള്ള നല്ലൊരു പ്രതിവിധി കൂടിയാണ് മുക്കുറ്റി. വേരോടെ അരച്ച് തേനും ചേര്‍ത്ത് കഴിക്കുന്നത് ചുമയില്‍ നിന്ന് ആശ്വാസം നല്‍കും.

പ്രസവശേഷം സ്ത്രീകള്‍ക്ക് മുക്കുറ്റിയുടെ ഇല ശര്‍ക്കരയുമായി ചേര്‍ത്ത് പാചകം ചെയ്ത് നല്‍കുന്നത് ഗര്‍ഭപാത്രം ശുദ്ധീകരിക്കാന്‍ സഹായിക്കും. ശരീരത്തിലെ മുറിവുകള്‍ ഉണക്കുന്നതിനും മുക്കുറ്റി ഏറെ ഗുണം ചെയ്യും.

ധാരാളം ആന്റിഓക്സിഡന്റുകള്‍ അടങ്ങിയ മുക്കുറ്റി ശരീരത്തിന് പ്രതിരോധ ശേഷി വര്‍ദ്ധിപ്പിക്കാന്‍ സഹായിക്കുന്നു. അലര്‍ജി, ആസ്തമ എന്നിവയ്ക്കുള്ള നല്ലൊരു പരിഹാരമാണ്.