ആലപ്പുഴയില്‍ ടിപ്പര്‍ലോറി ഓട്ടോയില്‍ ഇടിച്ച് ഓട്ടോ  യാത്രക്കാരിക്ക് ദാരുണാന്ത്യം

ആലപ്പുഴ: കറ്റാനത്ത് ടിപ്പര്‍ ലോറി ഓട്ടോയില്‍ ഇടിച്ച് ഓട്ടോ യാത്രക്കാരി മരിച്ചു. വള്ളിക്കുന്നം ലീല നിവാസില്‍ ലീലയാണ് മരിച്ചത്.  മൂന്ന് പേര്‍ക്ക് പരുക്കേറ്റു. കെ.പി. റോഡില്‍ കറ്റാനം സേവനം ഹോസ്പിറ്റലിന് സമീപത്തായി ഇന്ന് രാവിലെയാണ് അപകടമുണ്ടായത്. പരിക്കേറ്റവരെ വെട്ടിക്കോട് സെന്റ് തോമസ് മിഷന്‍സ് ആശുപത്രില്‍ പ്രവേശിപ്പിച്ചിരിക്കുകയാണ്.