വലിവ് മാറാന്‍...

വലിവ് മാറാന്‍ വീട്ടിലിരുന്ന് ചെയ്യാവുന്ന ചില കാര്യങ്ങളുണ്ട്. അതുപോലെ, വൈദ്യസഹായം തേടേണ്ടതും അത്യാവശ്യമാണ്.

ആവി പിടിക്കുന്നത് ശ്വാസനാളങ്ങള്‍ തുറക്കാനും ശ്വാസമെടുക്കാന്‍ എളുപ്പമുണ്ടാകാനും സഹായിക്കും. ചൂടുവെള്ളത്തില്‍ കുളിക്കുന്നതും ശ്വാസംമുട്ടല്‍ കുറയ്ക്കാന്‍ സഹായിക്കും.

പുകവലി ശ്വാസകോശത്തെ പ്രതികൂലമായി ബാധിക്കുകയും ശ്വാസംമുട്ടല്‍ കൂട്ടുകയും ചെയ്യും. കഫക്കെട്ടുണ്ടാക്കുന്ന ഭക്ഷണങ്ങള്‍ ഒഴിവാക്കുക. ഇഞ്ചി, വെളുത്തുള്ളി, മഞ്ഞള്‍ തുടങ്ങിയവ ഭക്ഷണത്തില്‍ ഉള്‍പ്പെടുത്തുന്നത് നല്ലതാണ്. ധാരാളം വെള്ളം കുടിക്കുന്നതിലൂടെ കഫം നേര്‍പ്പിക്കാനും ശ്വാസംമുട്ടല്‍ കുറയ്ക്കാനും കഴിയും.

ശ്വാസം നിയന്ത്രിക്കാനും മനസ്സിനെ ശാന്തമാക്കാനും യോഗയും ധ്യാനവും സഹായിക്കും. ശ്വാസംമുട്ടല്‍ കഠിനമാവുകയോ സാധാരണ നിലയിലേക്ക് തിരിച്ചുവരാതിരിക്കുകയോ ചെയ്താല്‍ ഉടന്‍തന്നെ വൈദ്യസഹായം തേടുക.