മുടിക്ക് സവാളനീര്

സവാള നീര് മുടിക്ക് വളരെ നല്ലതാണ്. ഇത് മുടി കൊഴിച്ചില്‍ തടയാനും മുടി വളര്‍ച്ചയെ ഉത്തേജിപ്പിക്കാനും സഹായിക്കും. സവാളയില്‍ അടങ്ങിയ സള്‍ഫര്‍ മുടിക്ക് ആരോഗ്യം നല്‍കുന്നു. കൂടാതെ, മുടിക്ക് തിളക്കം നല്‍കാനും താരന്‍ അകറ്റാനും ഇത് സഹായിക്കുന്നു.

ഉപയോഗിക്കുന്ന വിധം

സവാള തൊലികളഞ്ഞ് ചെറുതായി അരിഞ്ഞെടുക്കുക. അരിഞ്ഞെടുത്ത സവാള മിക്‌സിയിലിട്ട് അരച്ചെടുക്കുക. അരച്ചെടുത്ത സവാള നീര് ഒരു തുണി ഉപയോഗിച്ച് അരിച്ചെടുക്കുക. ഈ നീര് തലയോട്ടിയില്‍ പുരട്ടി മസാജ് ചെയ്യുക. 20-30 മിനിറ്റിനു ശേഷം വീര്യം കുറഞ്ഞ ഷാംപൂ ഉപയോഗിച്ച് കഴുകി കളയുക. ആഴ്ചയില്‍ 2-3 തവണ ഇങ്ങനെ ചെയ്യുന്നത് മുടിയുടെ ആരോഗ്യത്തിന് നല്ലതാണ്.
സവാള നീരിന് രൂക്ഷഗന്ധം ഉള്ളതുകൊണ്ട്, കഴുകി കളഞ്ഞ ശേഷം ഏതെങ്കിലും എസ്സെന്‍ഷ്യല്‍ ഓയില്‍ പുരട്ടുന്നത് നല്ലതാണ്.