അബോധാവസ്ഥയില്‍ വഴിയില്‍ വീണുകിടന്ന യുവാവിന്റെ  ശരീരത്തിലൂടെ കാര്‍ കയറി മരിച്ചു

കൊച്ചി: വഴിയില്‍ വീണുകിടന്ന യുവാവിന്റെ ശരീരത്തിലൂടെ കാര്‍ കയറി മരിച്ചു. വടക്കന്‍ പറവൂര്‍ സ്വദേശിയായ മറാത്തി പറമ്പുല്‍ പ്രേം കുമാറാണ് മരിച്ചത്.

വെള്ളിയാഴ്ച രാത്രി 8.45ന് വടക്കന്‍ പറവൂര്‍ സ്റ്റേഡിയം റോഡിലാണ് സംഭവം. പ്രേം കുമാര്‍ റോഡില്‍ കിടക്കുന്നത് കാര്‍ ഡ്രൈവര്‍ അറിഞ്ഞിട്ടുണ്ടാകില്ലെന്ന് പോലീസ് പറഞ്ഞു. കാര്‍ നമ്പര്‍ പോലീസ് കണ്ടെത്തി. 

പ്രേം കുമാര്‍ അബോധാവസ്ഥയില്‍ റോഡില്‍ എത്തിയത് എങ്ങനെയാണെന്ന അന്വേഷണം പുരോഗമിക്കുകയാണെന്നും പോലീസ് പറഞ്ഞു. അപകടശേഷമാണ് ഇയാള്‍ റോഡില്‍ കിടക്കുന്നത് നാട്ടുകാര്‍ കണ്ടത്. തുടര്‍ന്ന് ആശുപത്രിയിലേക്ക് കൊണ്ടുപോകവെ മരിക്കുകയായിരുന്നു.