നായ അയല്‍വീട്ടില്‍ പോയതിനെച്ചൊല്ലി തര്‍ക്കം; തൃശൂരില്‍ യുവാവിനെ വെട്ടിക്കൊന്നു, പ്രതി അറസ്റ്റില്‍

തൃശൂര്‍: തൃശൂര്‍ കോടശേരിയില്‍ വാക്കുതര്‍ക്കത്തെത്തുടര്‍ന്ന് അയല്‍വാസിയെ വെട്ടിക്കൊന്നു. കോടശേരി സ്വദേശി ഷിജുവാണ് കൊല്ലപ്പെട്ടത്. 

സംഭവത്തില്‍ അയല്‍വാസിയായ അന്തോണിയെ പോലീസ് അറസ്റ്റുചെയ്തു. ഷിജുവിന്റെ വീട്ടിലെ നായ അന്തോണിയുടെ വീട്ടിലേക്ക് പോയതിനെച്ചൊല്ലിയുള്ള ഇരുവരും തമ്മിലുണ്ടായ തര്‍ക്കം കൊലപാതകത്തില്‍ കലാശിക്കുകയായിരുന്നു.