കണ്ണൂരില്‍ സ്വകാര്യ ബസും ലോറിയും കൂട്ടിയിടിച്ച് അപകടം; ഏഴു പേര്‍ക്ക് പരിക്ക്, ഡ്രൈവര്‍ ഉള്‍പ്പെടെ രണ്ട് പേര്‍ക്ക് ഗുരുതര പരിക്ക്

കണ്ണൂര്‍: ഉളിയില്‍ സ്വകാര്യ ബസും ലോറിയും കൂട്ടിയിടിച്ചുണ്ടായ അപകടത്തില്‍ ഏഴ് പേര്‍ക്ക് പരിക്ക്. ബസ് ഡ്രൈവര്‍ക്കും മുന്നിലിരുന്ന യാത്രക്കാരനുമാണ് ഗുരുതര പരിക്കേറ്റത്. ഇവര്‍ കണ്ണൂരിലെ സ്വകാര്യ ആശുപത്രിയില്‍ ചികിത്സയിലാണ്. അപകടത്തില്‍ ബസിന്റെ മുന്‍ഭാഗം പൂര്‍ണമായും തകര്‍ന്നു. 

ഇന്ന് രാവിലെ ഏഴോടെ ഉളിയില്‍ പാലത്തിന് സമീപമാണ് അപകടം. കര്‍ണാടകയിലേക്ക് പോയ സ്വകാര്യ ബസും ഇരിട്ടിയില്‍ നിന്നുവന്ന ലോറിയും കൂട്ടിയിടിക്കുകയായിരുന്നു.