പരവൂര്‍: കൊല്ലം പരവൂരില്‍ പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിക്കാന്‍ ശ്രമിച്ച മധ്യവയസ്‌കന്‍ അറസ്റ്റില്‍. പരവൂര്‍ മുക്കട ജങ്ഷനില്‍ ഓട്ടോ ഡ്രൈവറായ പൂതക്കുളം മുക്കട സ്വദേശി പ്രസന്ന(64)നാണ് പിടിയിലായത്. പെണ്‍കുട്ടിയുടെ മാതാവിന്റെയും പിതാവിന്റെയും പരിചയക്കാരനാണ് ഇയാള്‍.
കഴിഞ്ഞ ദിവസം സ്‌കൂള്‍ കഴിഞ്ഞ് വീട്ടിലെത്തിയ പെണ്‍കുട്ടി മദ്യ ലഹരിയില്‍ അച്ഛന്‍ അമ്മയെ മര്‍ദ്ദിക്കുന്നതാണ് കണ്ട മനോവിഷമത്തില്‍ കുട്ടി വീട്ടില്‍ നിന്നിറങ്ങിപ്പോയി. കുട്ടിയെ കാണാനില്ലെന്ന് കണ്ട വീട്ടുകാര്‍ സമീപത്തെ വീടുകളില്‍ ഉള്‍പ്പെടെ അന്വേഷിച്ചെങ്കിലും കണ്ടെത്താനായില്ല.
തുടര്‍ന്ന് സുഹൃത്തായ പ്രസന്നനെ ഫോണില്‍ വിളിച്ച് മകള്‍ പിണങ്ങി പോയെന്നും ഓട്ടോയുമായി പോയി അന്വേഷിക്കാനും ആവശ്യപ്പെട്ടു. എന്നാല്‍, ഇരുചക്ര വാഹനത്തിലാണ് പ്രസന്നന്‍ പോയതും ബസ് സ്റ്റോപ്പില്‍ വച്ച് പ്രസന്നന്‍ കുട്ടിയെ കണ്ടെത്തി. കുട്ടിയുമായി അവിടെ നിന്നും മടങ്ങുന്നതിനിടെ മഴ പെയ്തു. എന്നാല്‍, മഴ തോര്‍ന്നിട്ട് പോകാമെന്ന് പറഞ്ഞ് ഇയാള്‍ കുട്ടിയെ തന്റെ വീട്ടിലെത്തിച്ച് കടന്നു പിടിക്കുകയും സ്വകാര്യ ഭാഗങ്ങളില്‍ സ്പര്‍ശിക്കുകയുമായിരുന്നു.
ഭയന്നോടിയ കുട്ടി വീട്ടില്‍ എത്തി അമ്മയോട് വിവരം പറയുകയായിരുന്നു. വിവരമറിഞ്ഞ കുട്ടിയുടെ മാതാപിതാക്കള്‍ പരവൂര്‍ പോലീസില്‍ പരാതി നല്‍കുകയായിരുന്നു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/10/27/mXeXlZlBWvxFqoRZ97MQ.jpg)