ബൈജു രവീന്ദ്രനെതിരെയുള്ള 1 ബില്യൺ ഡോളർ നഷ്ടപരിഹാര വിധി ഡെലവെയർ കോടതി റദ്ദാക്കി

കൊച്ചി: 1 ബില്യൺ ഡോളർ നഷ്ടപരിഹാരം നൽകാനുള്ള   നവംബർ 20ലെ വിധി തിരുത്താൻ ബൈജു രവീന്ദ്രൻ സമർപ്പിച്ച പുതിയ ഹർജികൾ പരിഗണിച്ച്, ബൈജു രവീന്ദ്രനെതിരായ ഒരു ബില്യൺ ഡോളറിന്‍റെ വിധി ഡെലവെയർ കോടതി റദ്ദാക്കി. നഷ്ടപരിഹാരം നിശ്ചയിച്ചിട്ടില്ലെന്ന് കോടതി സമ്മതിക്കുകയും ബൈജു രവീന്ദ്രനെതിരെയുള്ള ക്ലെയിമുകളുമായി ബന്ധപ്പെട്ട നഷ്ടപരിഹാരം നിർണ്ണയിക്കാൻ 2026 ജനുവരി ആദ്യം ഒരു പുതിയ ഘട്ടം ആരംഭിക്കാൻ ഉത്തരവിടുകയും ചെയ്തു.

GLAS ട്രസ്റ്റും ലെൻഡർമാരും വിവരങ്ങൾ തടഞ്ഞുവയ്ക്കുകയോ തെറ്റായി ധരിപ്പിക്കുകയോ ചെയ്യുകയും, കോടതികളെയും പൊതുജനങ്ങളെയും വഴിതെറ്റിക്കുകയും, ബിസിനസ്സിന്‍റെ തകർച്ചയ്ക്കും ഏകദേശം 85,000 തൊഴിലവസരങ്ങൾ നഷ്ടപ്പെടുന്നതിനും 250 ദശലക്ഷം വിദ്യാർത്ഥികളെ ബാധിക്കുന്നതിനും സംരംഭ മൂല്യത്തിൽ കോടിക്കണക്കിന് രൂപയുടെ നാശത്തിനും കാരണമാകുകയും ചെയ്തു.
ആ പെരുമാറ്റത്തിന് GLAS ട്രസ്റ്റിനും മറ്റുള്ളവർക്കുമെതിരെ ബൈജു രവീന്ദ്രൻ തുടർനടപടികൾ പരിഗണിക്കുന്നു.