വെളുത്ത സാരി ധരിച്ച ഒരു സ്ത്രീ റോഡരികിൽ നിന്ന് ലിഫ്റ്റ് ചോദിക്കും. പെട്ടന്ന് അപ്രത്യക്ഷമാകും. കോട്ടയം–എരുമേലി റോഡിൽ ഭാഗത്ത് പ്രേതത്തിൻ്റെ സാന്നിധ്യം ഉണ്ടെന്നു സോഷ്യൽ മീഡിയയിൽ പ്രചാരണം. പ്രേതത്തിനു സിനിമയെ വെല്ലുന്ന കഥയുണ്ടാക്കി കമൻ്റുകളും

കോട്ടയം: കോട്ടയം–എരുമേലി റോഡിന്റെ ഒരു ഭാഗത്ത് സ്ഥിരമായി പ്രേതത്തിൻ്റെ സാന്നിധ്യം ഉണ്ടെന്നു സോഷ്യൽ മീഡിയയിൽ പ്രചാരണം. 90-കളിൽ തുടങ്ങി ഇന്നും വരെ പല ഡ്രൈവർമാരും ഒരേ അനുഭവം പറഞ്ഞിട്ടുണ്ടെന്നാണ് പ്രചാരണം. 

വെളുത്ത സാരി ധരിച്ച ഒരു സ്ത്രീ റോഡരികിൽ ലിഫ്റ്റ് ചോദിക്കും. മുഖം വ്യക്തമായി കാണില്ല. കാറോ ബൈക്കോ നിർത്തിയാൽ… പിന്നെ പെട്ടെന്ന് അവൾ അപ്രത്യക്ഷമാകും. ചിലർ പറയുന്നത്  പിൻസീറ്റിൽ ഇരിക്കുന്ന പോലെ മിററിൽ കാണും, തിരിഞ്ഞു നോക്കുമ്പോൾ ആരുമില്ല ബൈക്കിന്റെ പുറകിൽ അധിക ഭാരം തോന്നും ആ ഭാഗം കഴിഞ്ഞാൽ പെട്ടെന്ന് ഭാരം ഇല്ലാതാകും എന്നിങ്ങനെ പോകുന്നു പ്രേത കഥകൾ. ടാക്സി ഡ്രൈവർമാർ നാട്ടുകാർകും ഒക്കെ സമാന അനുഭവം ഉണ്ടായാട്ടുണ്ടെന്നാണു പ്രചാരണം. റോഡിൽ വർഷങ്ങൾക്ക് മുൻപ് രാത്രിയിൽ നടന്ന ഒരു അപകടത്തിൽ മരിച്ച യുവതിയുടെ ആത്മാവാണ് ഇന്നും അവിടെ അലയുന്നതെന്ന്.

ലൊക്കേഷൻ ഇടു പോയി നോക്കാം, പ്രേതങ്ങൾ എങ്ങനെയാണ് വെള്ള സാരി ഉടുക്കുന്നത്, എന്നിങ്ങനെ പോകുന്നു രസികൻ കമൻ്റുകൾ. കഴിഞ്ഞ രണ്ടു ദിവസമായി എരുമേലി റോഡിലെ പ്രേത കഥ സോഷ്യൽ മീഡിയയിൽ വ്യാപകമായി പ്രചരിക്കാൻ തുടങ്ങിയിട്ട്. ആരെങ്കിലും തമാശയ്ക്കു ഉണ്ടാക്കിയ പോസ്റ്റ് വ്യാപകമായി ഷെയർ ചെയ്യപ്പെട്ടതാകാമെന്നു നാട്ടുകാർ പറയുന്നു.