/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/o414pWpgt6JVCyRbhZTk.jpg)
കൊച്ചി: നടിയെ തട്ടിക്കൊണ്ടുപോയി ആക്രമിച്ച കേസില് തെളിവുകള് വിലയിരുത്തുന്നതില് വിചാരണ കോടതി പക്ഷപാതപരവും വിവേചനപരവുമായ സമീപനം സ്വീകരിച്ചുവെന്ന് പ്രോസിക്യൂഷന്.
കേസില് വിചാരണ കോടതി ഇരട്ടത്താപ്പ് കാണിച്ചു. ദിലീപിനെതിരായ തെളിവുകള് അവഗണിക്കുകയോ തെറ്റായി വ്യാഖ്യാനിക്കുകയോ ചെയ്തുെന്നും പ്രോസിക്യൂഷന് ആരോപിച്ചു.
കേസില് പ്രധാന പ്രതിയായ പള്സര് സുനിയെയും നടന് ദിലീപിനെയും കോടതി വ്യത്യസ്ത രീതിയിലാണ് കണ്ടതെന്നും പ്രോസിക്യൂഷന് ആരോപിച്ചു.
തെളിവുകളെ കോടതി നീതിയുക്തമല്ലാത്തതും പക്ഷപാതപരവുമായ രീതിയിലാണ് കണ്ടതെന്നും നിയമോപദേശത്തില് പറയുന്നു.
പള്സര് സുനിക്കും മറ്റ് അഞ്ച് പേര്ക്കും ചുമത്തിയ തടവും പിഴയും ഞെട്ടിക്കുന്ന വിധം കുറഞ്ഞ ശിക്ഷയാണ്.
കൂട്ടബലാത്സംഗ കേസുകളില് ശിക്ഷ വിധിക്കുമ്പോള് വിചാരണ കോടതികള് പരിഗണിക്കേണ്ട സുപ്രീം കോടതിയുടെ മാര്ഗ്ഗനിര്ദ്ദേശങ്ങള് ലംഘിച്ചതായും പ്രോസിക്യൂഷന് നിയമോപദേശത്തില് പറയുന്നു.
കുറ്റങ്ങള് സംശയാതീതമായി തെളിയിക്കുന്നതില് പ്രോസിക്യൂഷന് പരാജയപ്പെട്ടുവെന്ന് ചൂണ്ടിക്കാട്ടി ഡിസംബറിലാണ് എട്ടാം പ്രതിയായ ദിലീപിനെ കുറ്റവിമുക്തനാക്കി കോടതി വിധി പ്രസ്താവിച്ചത്.