നടി ആക്രമിക്കപ്പെട്ട കേസില്‍  കോടതി വിധി തൃപ്തികരമല്ലെന്ന് നിയമമന്ത്രി പി രാജിവ്. വിധിക്കെതിരെ ശക്തമായ അപ്പീല്‍ നല്‍കാനാണ് സര്‍ക്കാര്‍ തീരുമാനം

കൊച്ചി: നടി ആക്രമിക്കപ്പെട്ട കേസില്‍  കോടതി വിധി തൃപ്തികരമല്ലെന്ന് നിയമമന്ത്രി പി രാജിവ്.

വിധിക്കെതിരെ ശക്തമായ അപ്പീല്‍ നല്‍കാനാണ് സര്‍ക്കാര്‍ തീരുമാനം.

പ്രോസിക്യൂഷനും ഡയറക്ടര്‍ ജനറല്‍ ഓഫ് പ്രോസിക്യൂഷനുമായും (ഡിജിപി) കൂടിയാലോചിച്ച് ശക്തമായ നിലയില്‍ അപ്പീലുമായി മുന്നോട്ടു പോകും.

 ഇതിനുള്ള തീരുമാനം എടുക്കുമെന്നും മന്ത്രി പി രാജീവ് കൊച്ചിയില്‍ പറഞ്ഞു.

കേസിലെ മുഴുവന്‍ വിധിയും വായിച്ചിട്ടില്ല. എന്നാല്‍ വിധിക്കെതിരെ അപ്പീല്‍ നല്‍കുമെന്ന് സര്‍ക്കാര്‍ അന്നുതന്നെ വ്യക്തമാക്കിയിട്ടുള്ളതാണ്. 

 ഇപ്പോള്‍ ഗൗരവകരമായ അപ്പീല്‍ വേണമെന്നു തന്നെയാണ് കാണുന്നത്. ഇതു സംബന്ധിച്ച് രണ്ടു ഭാഗത്തും തൃപ്തികരമല്ലെന്നും മന്ത്രി രാജീവ് പറഞ്ഞു.