സ​മൂ​ഹ​വി​വാ​ഹ​ത്തി​ന്​ സം​ഘാ​ട​ക​ർ ന​ൽ​കി​യ വാ​ഗ്ദാ​നം പാ​ലി​ച്ചില്ല; 27 വ​ധൂ​വ​ര​ന്മാ​ർ പി​ന്മാ​റി; പൊലീസ് ഇടപെടലിൽ കല്യാണം

ചേ​ർ​ത്ത​ല: സ​മൂ​ഹ​വി​വാ​ഹ​ത്തി​ന്​ സം​ഘാ​ട​ക​ർ ന​ൽ​കി​യ വാ​ഗ്ദാ​നം പാ​ലി​ച്ചി​ല്ലെ​ന്ന് ആ​രോ​പി​ച്ച്​ വേ​ദി​യി​ൽ പ്ര​തി​ഷേ​ധം. 27 വ​ധൂ​വ​ര​ന്മാ​ർ പി​ന്മാ​റി. ഒ​ടു​വി​ൽ ​പൊ​ലീ​സ്​ സം​ര​ക്ഷ​ണ​ത്തി​ൽ എ​ട്ട്​ വ​ധൂ​വ​ര​ന്മാ​രു​ടെ വി​വാ​ഹം ന​ട​ത്തി പ​രി​പാ​ടി​ അ​വ​സാ​നി​പ്പി​ക്കേ​ണ്ടി വ​ന്നു. 

ചേ​ർ​ത്ത​ല വാ​ര​നാ​ട് അ​ഖി​ലാ​ഞ്​​ജ​ലി ഓ​ഡി​റ്റോ​റി​യ​മാ​ണ് നാ​ട​കീ​യ രം​ഗ​ങ്ങ​ൾ​ക്ക് വേ​ദി​യാ​യ​ത്. ചേ​ർ​ത്ത​ല കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന സ​ൽ​സ്നേ​ഹ​ഭ​വ​ൻ സൊ​സൈ​റ്റി സം​ഘ​ടി​പ്പി​ച്ച​താ​യി​രു​ന്നു സ​മൂ​ഹ​വി​വാ​ഹം. 35 വ​ധൂ​വ​ര​ന്മാ​രു​ടെ വി​വാ​ഹ​മാ​ണ് നി​ശ്ച​യി​ച്ചി​രു​ന്ന​തെ​ങ്കി​ലും പ​ണ​വും ന​ൽ​കു​മെ​ന്ന വാ​ക്ക്​ സം​ഘാ​ട​ക​ർ പാ​ലി​ച്ചി​ല്ലെ​ന്ന്​ ആ​രോ​പി​ച്ച്​ 27 ജോ​ടി ച​ട​ങ്ങി​ൽ​നി​ന്ന്​ പി​ന്മാ​റു​ക​യാ​യി​രു​ന്നു. 

സം​ഘാ​ട​ക ര​ക്ഷാ​ധി​കാ​രി ഡോ. ​ബി​ജു കൈ​പ്പാ​റേ​ട​ൻ, പ്ര​സി​ഡ​ന്‍റ്​ എ.​ആ​ർ. ബാ​ബു, മ​റ്റ്​ ഭാ​ര​വാ​ഹി​ക​ളാ​യ കെ. ​അ​നി​രു​ദ്ധ​ൻ, സ​നി​ത സ​ജി, അ​പ​ർ​ണ ഷൈ​ൻ​കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ലാ​ണ്​ സ​മൂ​ഹ വി​വാ​ഹ​ത്തി​ന്​ ഒ​രു​ക്കം ന​ട​ത്തി​യ​ത്.

ഇ​വ​ർ താ​ലി​മാ​ല​യും ര​ണ്ടു​ല​ക്ഷം രൂ​പ​യും വാ​ഗ്ദാ​നം ചെ​യ്താ​ണ്​ വ​ധൂ​വ​ര​ന്മാ​രെ സം​ഘ​ടി​പ്പി​ച്ച​തെ​ന്നാ​ണ്​ ആ​രോ​പ​ണം. ഇ​ടു​ക്കി​യി​ലെ മു​തു​വാ​ൻ മ​ന്നാ​ൻ സ​മു​ദാ​യ​ത്തി​ൽ നി​ന്നു​മാ​ത്രം 22 ജോ​ടി ഉ​ണ്ടാ​യി​രു​ന്നു. വി​വാ​ഹ​ത്തി​നെ​ത്തി​യ​പ്പോ​ഴാ​ണ് താ​ലി​യും വ​ധൂ​വ​ര​ന്മാ​ർ​ക്കു​ള്ള വ​സ്ത്ര​ങ്ങ​ളും മാ​ത്ര​മാ​ണെ​ന്ന​റി​യു​ന്ന​ത്. പ്ര​ശ്നം രൂ​ക്ഷ​മാ​യ​തോ​ടെ ചേ​ർ​ത്ത​ല പൊ​ലീ​സ്​ സ്​​റ്റേ​ഷ​നി​ൽ 22 ജോ​ടി​യും സം​ഘാ​ട​ക​ർ​ക്കെ​തി​രെ പ​രാ​തി ന​ൽ​കി.