മദ്യ ലഹരിയിലായിരുന്ന യുവാവ് ബാർ ജീവനക്കാരനെ കുത്തി. പ്രതി പിടിയിൽ

ആലപ്പുഴ:മാരാരിക്കുളത്ത് മദ്യ ലഹരിയിലായിരുന്ന യുവാവ് ബാർ ജീവനക്കാരനെ കുത്തി കൊലപ്പെടുത്താൻ ശ്രമിച്ചു.

മാരാരിക്കുളം പൊലീസ് സ്റ്റേഷന് സമീപത്തെ കഞ്ഞിക്കുഴി എസ്എസ് ബാറിലെ ജീവനക്കാരനായ സന്തോഷിനാണ് കുത്തേറ്റത്.

മാരാരിക്കുളം സ്വദേശി പ്രമോദാണ് ബാറിൽ ആക്രമം അഴിച്ചുവിട്ടത്. പ്രതിയെ പൊലീസ് അറസ്റ്റ് ചെയ്തു.  

ഗുരുതര പരുക്കേറ്റ സന്തോഷിനെ വിദഗ്ത ചികിത്സക്കായി എറണാകുളത്തേക്ക് മാറ്റിയിരിക്കുകയാണ്.

ഇന്ന് വൈകീട്ട് 5.50 നായിരുന്നു സംഭവം. ബാറിനുള്ളിൽ പ്രമോദ് ബഹളമുണ്ടാക്കിയത് ജീവനക്കാർ തടഞ്ഞതാണ് പ്രകോപനത്തിന് കാരണം.

ജോലിയിൽ പ്രവേശിക്കാനായി ബാറിലേക്ക് സന്തോഷ് എത്തുന്ന വഴിയാണ് ആക്രമിക്കപ്പെട്ടത്.