കൊ​ല​ക്കേ​സി​ൽ ജീ​വ​പ​ര്യ​ന്തം ശി​ക്ഷ; പ​രോ​ളി​ലി​റ​ങ്ങി മു​ങ്ങി​യ പ്ര​തി നാ​ലു​വ​ർ​ഷ​ങ്ങ​ൾ​ക്ക് ശേ​ഷം പി​ടി​യി​ൽ. വ്യാജ പേരുകളിലും സംസ്ഥാനങ്ങൾ മാറിയും ഒളിവിൽ കഴിഞ്ഞ പോലീസ് പ്രതിയെ വലയിലാക്കിയത് അതിസാഹസികമായി

പ​ത്ത​നം​തി​ട്ട: പെ​ട്രോ​ൾ പ​മ്പ് ഉ​ട​മ​യെ കൊ​ല​പ്പെ​ടു​ത്തി​യ കേ​സി​ൽ ജീ​വ​പ​ര്യ​ന്തം ത​ട​വി​ന് ശി​ക്ഷി​ക്ക​പ്പെ​ട്ട ശേ​ഷം പ​രോ​ളി​ലി​റ​ങ്ങി മു​ങ്ങി​യ ഒ​ന്നാം പ്ര​തി നാ​ല് വ​ർ​ഷ​ങ്ങ​ൾ​ക്ക് ശേ​ഷം പി​ടി​യി​ൽ.

ചെ​ങ്ങ​ന്നൂ​ർ ആ​ലാ പെ​ണ്ണു​ക്ക​ര വ​ട​ക്കും​മു​റി പൂ​മ​ല​ച്ചാ​ൽ വീ​ട്ടി​ൽ അ​നൂ​പ് കു​മാ​ർ (ബോ​ഞ്ചോ - 36) ആ​ണ് പി​ടി​യി​ലാ​യ​ത്. അ​ന്വേ​ഷ​ണ​സം​ഘ​മാ​ണ് അ​നൂ​പി​നെ അ​തി​സാ​ഹ​സി​ക​മാ​യി പി​ടി​കൂ​ടി​യ​ത്.

2016 ഫെ​ബ്രു​വ​രി 18നാ​യി​രു​ന്നു സം​ഭ​വം ന​ട​ന്ന​ത്. മു​ള​ക്കു​ഴ കാ​ണി​ക്ക​മ​ണ്ഡ​പം ജം​ഗ്ഷ​നി​ലെ രേ​ണു ഓ​ട്ടോ ഫ്യു​വ​ൽ​സ് ഉ​ട​മ എം.​പി. മു​ര​ളീ​ധ​ര​ൻ നാ​യ​രെ​യാ​ണ് പ്ര​തി​ക​ൾ ക​മ്പി​വ​ടി​കൊ​ണ്ട് ത​ല​യ്ക്ക​ടി​ച്ച് കൊ​ല​പ്പെ​ടു​ത്തി​യ​ത്.

പ​മ്പി​ൽ പെ​ട്രോ​ൾ അ​ടി​ക്കാ​നെ​ത്തി​യ പ്ര​തി​ക​ൾ ജീ​വ​ന​ക്കാ​രു​മാ​യി ത​ർ​ക്ക​ത്തി​ലേ​ർ​പ്പെ​ട്ട​ത് ചോ​ദ്യം ചെ​യ്ത​തി​ലു​ള്ള വി​രോ​ധ​മാ​ണ് കൊ​ല​പാ​ത​ക​ത്തി​ൽ ക​ലാ​ശി​ച്ച​ത്. കേ​സി​ൽ അ​നൂ​പ് കു​മാ​ർ ഉ​ൾ​പ്പെ​ടെ മൂ​ന്ന് പ്ര​തി​ക​ൾ​ക്ക് മാ​വേ​ലി​ക്ക​ര അ​ഡീ​ഷ​ണ​ൽ സെ​ഷ​ൻ​സ് കോ​ട​തി ജീ​വ​പ​ര്യ​ന്തം ശി​ക്ഷ വി​ധി​ച്ചി​രു​ന്നു.

തി​രു​വ​ന​ന്ത​പു​രം സെ​ൻ​ട്ര​ൽ ജ​യി​ലി​ൽ ശി​ക്ഷ അ​നു​ഭ​വി​ക്ക​വെ 2022 മേ​യ് ആ​റി​ന് 14 ദി​വ​സ​ത്തെ പ​രോ​ളി​ന് ഇ​റ​ങ്ങി​യ അ​നൂ​പ് പി​ന്നീ​ട് ഒ​ളി​വി​ൽ പോ​കു​ക​യാ​യി​രു​ന്നു.

ഇ​യാ​ൾ വ്യാ​ജ പാ​സ്‌​പോ​ർ​ട്ട് ഉ​പ​യോ​ഗി​ച്ച് ഓ​സ്ട്രി​യ​യി​ലേ​ക്ക് ക​ട​ന്നെ​ന്ന പ്ര​ചാ​ര​ണം നാ​ട്ടി​ലു​ണ്ടാ​യി​രു​ന്നു. എ​ന്നാ​ൽ ഇ​ത് പോ​ലീ​സ് അ​ന്വേ​ഷ​ണ​ത്തെ വ​ഴി​തി​രി​ക്കാ​ൻ ബോ​ധ​പൂ​ർ​വം സൃ​ഷ്ടി​ച്ച ക​ഥ​യാ​ണെ​ന്ന് അ​ന്വേ​ഷ​ണ​സം​ഘം ക​ണ്ടെ​ത്തി.

ഗു​ജ​റാ​ത്ത്, ആ​ന്ധ്രാ​പ്ര​ദേ​ശ്, മും​ബൈ എ​ന്നി​വി​ട​ങ്ങ​ളി​ൽ വ്യാ​ജ പേ​രു​ക​ളി​ൽ ഒ​ളി​വി​ൽ ക​ഴി​ഞ്ഞ പ്ര​തി, പോ​ലീ​സ് ത​ന്നെ പി​ന്തു​ട​രു​ന്നു​ണ്ടെ​ന്ന് അ​റി​ഞ്ഞ​തോ​ടെ എ​ല്ലാ വി​നി​മ​യ ഉ​പാ​ധി​ക​ളും ഉ​പേ​ക്ഷി​ച്ചു. തു​ട​ർ​ന്ന് ബം​ഗു​ളൂ​രു ഇ​ല​ക്ട്രോ​ണി​ക് സി​റ്റി​യി​ലെ ഹോ​ട്ട​ലി​ലും പി​ന്നീ​ട് ടി​ഷ്യൂ പേ​പ്പ​ർ നി​ർ​മാ​ണ ക​മ്പ​നി​യി​ലും ജോ​ലി ചെ​യ്തു വ​രി​ക​യാ​യി​രു​ന്നു.

ബം​ഗു​ളൂ​രു​വി​ൽ ജോ​ലി ചെ​യ്യു​ന്ന​തി​നി​ടെ പ​ന്ത​ളം സ്വ​ദേ​ശി​നി​യാ​യ ന​ഴ്സു​മാ​യി അ​നൂ​പ് അ​ടു​പ്പ​ത്തി​ലാ​യി. ഈ ​യു​വ​തി​യു​ടെ നീ​ക്ക​ങ്ങ​ൾ പോ​ലീ​സ് മാ​സ​ങ്ങ​ളാ​യി നി​രീ​ക്ഷി​ച്ചു വ​രി​ക​യാ​യി​രു​ന്നു.

അ​വ​ധി​ക്ക് നാ​ട്ടി​ലെ​ത്തി​യ യു​വ​തി​യെ കാ​ണാ​ൻ അ​നൂ​പ് എ​ത്തി​യ​താ​യി പോ​ലീ​സി​ന് ര​ഹ​സ്യ​വി​വ​രം ല​ഭി​ച്ചു. പ​ന്ത​ള​ത്തെ ആ​ളൊ​ഴി​ഞ്ഞ കു​ടും​ബ​വീ​ട്ടി​ൽ ഒ​ളി​വി​ൽ താ​മ​സി​ക്കു​ക​യാ​യി​രു​ന്ന പ്ര​തി​യെ ഇ​ന്ന് പു​ല​ർ​ച്ചെ പോ​ലീ​സ് വ​ള​യു​ക​യാ​യി​രു​ന്നു. ര​ക്ഷ​പെ​ടാ​ൻ ശ്ര​മി​ച്ച പ്ര​തി​യെ അ​തി​സാ​ഹ​സി​ക​മാ​യാ​ണ് പോ​ലീ​സ് കീ​ഴ്‌​പ്പെ​ടു​ത്തി​യ​ത്.

ജി​ല്ലാ പോ​ലീ​സ് മേ​ധാ​വി എം.​പി. മോ​ഹ​ന​ച​ന്ദ്ര​ന്‍റെ നി​ർ​ദ്ദേ​ശ​പ്ര​കാ​രം ചെ​ങ്ങ​ന്നൂ​ർ ഡി​വൈ​എ​സ്പി എം.​കെ. ബി​നു​കു​മാ​റി​ന്‍റെ നേ​തൃ​ത്വ​ത്തി​ലു​ള്ള പ്ര​ത്യേ​ക സം​ഘ​മാ​ണ് പ്ര​തി​യെ വ​ല​യി​ലാ​ക്കി​യ​ത്. അ​റ​സ്റ്റ് രേ​ഖ​പ്പെ​ടു​ത്തി​യ ശേ​ഷം പ്ര​തി​യെ തി​രു​വ​ന​ന്ത​പു​രം പൂ​ജ​പ്പു​ര സെ​ൻ​ട്ര​ൽ ജ​യി​ലി​ൽ ഹാ​ജ​രാ​ക്കി.