പത്തുവയസ്സുകാരിയെ പീഡിപ്പിച്ച കേസ്. മലപ്പുറത്ത് മദ്രസ അധ്യാപകൻ അറസ്റ്റിൽ

മലപ്പുറം: വിദ്യാർത്ഥിനിയെ പീഡിപ്പിച്ച മദ്രസ അധ്യാപകൻ അറസ്റ്റിൽ. അമ്പത്തഞ്ചുകാരനായ കുഴിക്കാട്ട് വീട്ടിൽ മുഹമ്മദ് അബ്ദുൽ സലീം മുസ്ലിയാരാണ് അറസ്റ്റിലായത്. മലപ്പുറം വണ്ടൂരിൽ ആണ് സംഭവം.

പത്തുവയസ്സുകാരിയായി പെൺകുട്ടിയോടാണ് മദ്രസയിൽ വെച്ച് സലിം അതിക്രമം കാണിച്ചത്. വീട്ടിലെത്തി കുട്ടി മാതാപിതാക്കളോട് പറഞ്ഞതോടെയാണ് പീഡന വിവരം പുറത്തറിഞ്ഞത്. 

മാതാപിതാക്കളുടെ പരാതിയിൽ വണ്ടൂർ പോലീസ് കേസെടുത്തു. വണ്ടൂർ സിഐ ദീപ കുമാറിന്റെ നേതൃത്വത്തിലാണ് പ്രതിയെ അറസ്റ്റ് ചെയ്തത്. പോക്സോ വകുപ്പുകൾ ചുമത്തിയാണ് കേസ്.