പ്രായപൂർത്തികാത്ത പെൺകുട്ടിക്ക് ഭക്ഷണത്തിൽ രാസലഹരി കലർത്തി നൽകി വർഷങ്ങളോളം പീഡിപ്പിച്ചു. മലപ്പുറത്ത് യുവാവ് അറസ്റ്റിൽ

മലപ്പുറം: ഭക്ഷണത്തിൽ രാസ ലഹരി കലർത്തി നൽകി ലഹരിക്ക് അടിമയാക്കി പ്രായപൂർത്തി ആവാത്ത പെൺകുട്ടിയെ വർഷങ്ങളോളം പീഡിപ്പിച്ചയാൾ അറസ്റ്റിൽ.

വേങ്ങര ചേറൂർ സ്വദേശി അലുങ്ങൽ അബ്ദുൽ ഗഫൂർ (23) പോക്സോ കേസിൽ അറസ്റ്റിലായത്. മലപ്പുറം കോട്ടക്കലിലാണ് സംഭവം. 

ഇൻസ്റ്റഗ്രാമിലൂടെ പരിജയപ്പെട്ട പെൺകുട്ടിയുമായി പ്രണയം നടിച്ചാണ് പ്രതി ബന്ധം സ്ഥാപിച്ചത്. 2020ൽ പ്ലസ് വൺ വിദ്യാർത്ഥിനി ആയിരിക്കെ തുടങ്ങിയ പീഡനം 2025 വരെ മാർച്ച് വരെ തുടർന്നുവെന്നാണ് പൊലീസ് കണ്ടെത്തിയിരിക്കുന്നത്.

ഇതിനിടെ അതിജീവിതയുടെ നഗ്ന ദൃശ്യം പകർത്തിയ പ്രതി സ്വർണാഭരണവും തട്ടി എടുത്തു. ചികിത്സക്ക് പിന്നാലെ ലഹരിയിൽ നിന്ന് മോചിത ആയ ശേഷമാണ് പെൺകുട്ടി പൊലീസിൽ പരാതി നൽകിയത്. പ്രതിയെ കോട്ടക്കൽ പൊലീസ് ആണ് അറസ്റ്റ് ചെയ്തത്.