മാന്നാറിൽ കൈക്കൂലി സ്വീകരിക്കുന്നതിനിടെ ദേവസ്വം ഉദ്യോഗസ്ഥൻ അറസ്റ്റിൽ; ഈ വർഷത്തെ 50-ാം വിജിലൻസ് ട്രാപ്പ്

മാന്നാർ: സംസ്ഥാനത്ത് ഈ വർഷം വിജിലൻസ് ആണ് പിടികൂടിയ കൈക്കൂലി കേസുകളുടെ എണ്ണം 50 ആയി. ഏറ്റവും ഒടുവിൽ മാന്നാറിൽ ദേവസ്വം സബ്‌ ഗ്രൂപ്പ് ഓഫീസർ കൈക്കൂലി വാങ്ങുന്നതിനിടെ പിടിയിലായതോടെയാണ് സംഖ്യ 50 ആയത്.

കുട്ടംപേരൂർ കുന്നത്തൂർ ശ്രീ ദുർഗാദേവി ക്ഷേത്രത്തിലെ റിസീവറും തൃക്കുരുട്ടി മഹാദേവ ക്ഷേത്രം സബ് ഗ്രൂപ്പ് ഓഫീസറുമായ ചെങ്ങന്നൂർ പാണ്ടനാട് സ്വദേശി ശ്രീനിവാസൻ ആണ് ഇന്നലെ വിജിലൻസ് പിടികൂടിയത്.

പൂജകൾ നടത്തുന്നതിനുള്ള ‘സൗകര്യം ചെയ്ത് കൊടുത്തതിന്’ പ്രതിഫലമായി 5,000 രൂപ ആവശ്യപ്പെട്ട ശ്രീനിവാസനെ
മാന്നാർ ശ്രീ സുബ്രഹ്മണ്യ സ്വാമി ക്ഷേത്രത്തിനു മുന്നിൽ നിന്നു കൈപ്പണം വാങ്ങുന്നതിനിടെയാണ് വിജിലൻസ് അറസ്റ്റ് ചെയ്തത്.

പൂജകൾക്കായി പരാതി നൽകുന്ന വ്യക്തി 30,000 രൂപ ക്ഷേത്രത്തിൽ ചെലവഴിക്കുകയും ഫീസ് പ്രകാരം 480 രൂപ അടച്ച് പൂജകൾ നടത്തുകയും ചെയ്തു. അതിനു പുറമേയായി 5,000 രൂപ ആവശ്യപ്പെട്ടതാണ് പരാതി.

പരാതിക്കാരൻ കൈക്കൂലി നൽകാൻ തയ്യാറാകാതിരുന്നതിനെയും തുടർന്ന് ശ്രീനിവാസൻ ഗൂഗിൾ പേ അക്കൗണ്ടിലേക്ക് തുക ആവശ്യപ്പെട്ടതിനെയും തുടർന്ന് പരാതിക്കാരി ആലപ്പുഴ വിജിലൻസ് ഡിവൈഎസ്പിയെ വിവരമറിയിക്കുകയായിരുന്നു.

വിജിലൻസ് സംഘത്തിന്റെ വലയിലകപ്പെടുന്ന ഈ വർഷത്തെ 50-ാമത്തെ ട്രാപ്പ് കേസാണിതെന്ന് വിജിലൻസ് ഡയറക്ടർ മനോജ് എബ്രഹാം അറിയിച്ചു. അറസ്റ്റിലായ ഉദ്യോഗസ്ഥനെ കോട്ടയം വിജിലൻസ് കോടതിയിൽ ഹാജരാക്കി റിമാൻഡ് ചെയ്തു.