ഭക്ഷണത്തിലെ കൃത്രിമ നിറങ്ങൾ എങ്ങനെ ഒഴിവാക്കാമെന്ന് നോക്കാം

കൃത്രിമ ഫുഡ് കളറിംഗ് ആരോഗ്യത്തിന് ഹാനികരമായ ഫലങ്ങൾ ഉണ്ടാക്കുന്നു. ഈ സിന്തറ്റിക് അഡിറ്റീവുകൾ, മിഠായികൾ, ശീതളപാനീയങ്ങൾ, പാക്കേജുചെയ്ത ലഘുഭക്ഷണങ്ങൾ, വഴിയോരങ്ങളിലെ ലഘുഭക്ഷണങ്ങൾ തുടങ്ങിയ ജനപ്രിയ ഭക്ഷ്യവസ്തുക്കളിൽ പലപ്പോഴും കാണപ്പെടുന്നു. ഭക്ഷണത്തിൽ കൃത്രിമ ഫുഡ് കളറിംഗിൻ്റെ സാന്നിധ്യം വർദ്ധിച്ചുവരുന്ന ആശങ്കയാണ്.

കുട്ടികളിലെ ഹൈപ്പർ ആക്ടിവിറ്റി, അലർജികൾ എന്നിവയുൾപ്പെടെ വിവിധ ആരോഗ്യപ്രശ്നങ്ങളുമായി ബന്ധപ്പെട്ടിരിക്കുന്നു. പുറത്തുനിന്നു കഴിക്കുന്ന മിക്ക ഭക്ഷണങ്ങളിലും കൃത്രിമനിറങ്ങളും രുചികളും പ്രിസർവേറ്റീവുകളും അടങ്ങിയിട്ടുണ്ടാകും. കൂടുതൽ ആകർഷകമായി തോന്നിക്കാനും കൂടുതൽ രുചികരമാക്കാനുമാണ് കൃത്രിമ നിറങ്ങൾ ചേർക്കുന്നത്.

കൃത്രിമ നിറങ്ങൾക്കു പകരം ബീറ്റ് റൂട്ട്, ബ്ലൂബെറി ജ്യൂസ്, കാരറ്റ് ഇവയെല്ലാം ഉപയോഗിക്കുക. എപ്പോഴും പഴങ്ങളിലെയും പച്ചക്കറികളിലെയും സത്ത് ചേർത്ത നാച്വറൽ ഫുഡ് കളർ അടങ്ങിയവ വാങ്ങാൻ ശ്രദ്ധിക്കാം. പുറത്തുനിന്ന് വാങ്ങി കഴിക്കുന്നത് ഒഴിവാക്കുക.

പകരം സുരക്ഷിതവും നാച്വറൽ ആയതുമായ ചേരുവകൾ ചേർത്ത് വീട്ടിൽ തന്നെ ഭക്ഷണങ്ങൾ ഉണ്ടാക്കുക. പ്രോസസ് ചെയ്തതും പായ്ക്കറ്റിൽ ലഭ്യമായതുമായ ഭക്ഷ്യവസ്തുക്കൾ ഒഴിവാക്കാം. സംസ്കരിച്ച ഭക്ഷണത്തിന്റെ ഉപയോഗം നിയന്ത്രിക്കാം. കൃത്രിമ നിറങ്ങളിലുള്ള ഭക്ഷണങ്ങൾ കുട്ടികൾക്ക് ഒട്ടും സുരക്ഷിതമല്ല.